Нэгдүгээр сарын гуравны өдөр Америкийн агаарын цохилтын улмаас амиа алдсан Сулеймани генералын өшөөг авсан гэж НҮБ-ын дэргэдэх Ираны байнгын төлөөлөгч Маджид Тахт-Раванчи мэдэгдсэн талаар ТАСС мэдээллээ. 

Ирантай цэргийн сөргөлдөөн хийхгүй хэмээсэн Трампын ард түмэндээ хандсан мэдэгдэлд Иран хэрхэн хандаж байгаа талаар ТАСС агентлаг тодруулахад тэрбээр нэгэнт өшөө авчихсан хойно АНУ-ын талаас түрэмгийлэл гарахгүй л бол Иран дахин цэргийн ажиллагаа хийхгүй хэмээн  онцолсон байна.

Ираны талын үйлдэл нь "Касем Сулеймани генералыг хөнөөсөнтэй дүйхүйц" байсан гэдгийг Маджид Тахт-Раванчи онцлоод, энэ ажиллагаа дууссан, дахиж шинээр ийм үйлдэл гаргахгүй хэмээжээ. 

Энд дуулгахад, АНУ-ын Зэвсэгт хүчин байлдааны бэлэн байдалд байгаа хэвээр гэж Пентагон мэдэгдсэн байна. Пентагоны тэргүүн Марк Эсперийн тодруулснаар Ирак дахь цэргийн бааз руу Иран 11 пуужин харважээ. Өөр нэг пуужин Эрбилийн нисэх буудлыг онилсон байна. Агаарын цохилтын улмаас хохирсон хүн байхгүй, харин техник байршуулах талбай эвдэрч, нэг нисдэг тэрэг сүйрчээ. 

Трамп ДАЙН зарлахгүй ч энх тайван амласангүй

Г.Бямбасүрэн