Гишүүдийг казинодуулсан Элчин сайд Б.Чулуунхүү гэж хэн бэ?
2020-01-22

 

Батлайн Чулуунхүү. 2015 онд Австралийн Холбооны Улсад суух Онц бөгөөд бүрэн эрхт Элчин сайдаар томилогдсон.  Тав дахь жилдээ тус улсад Элчин сайдаар ажиллаж байна.  Дипломат албаны тухай хуульд Онц бөгөөд Бүрэн эрхт Элчин сайдын бүрэн эрхийн хугацааг гурван жил гэж заасан  Харин 2017 онд нэмэлт, өөрчлөлт оруулахдаа дөрвөн жил болгож өөрчилсөн.  Тэгэхээр хуучин болон шинэ хуулийн заалтаар Австралийн Холбооны Улсад суух Элчин сайд  Б.Чулуунхүүгийн бүрэн эрхийн хугацаа аль хэдийнэ дуусгавар болсон гэсэн үг.

 

Энэ тухай Гадаад харилцааны сайд Д.Цогтбаатар өмнө нь мэдэгдэж байсан ч түүний оронд явах Элчин сайдын асуудал шийдэгдээгүй учраас хойшилсоор ирсэн.  Тухайлбал, Австралийн Холбооны Улсад суух Элчин сайдад ХЗДХ-ийн сайд Ц.Нямдоржийн хүү Н.Анхбаярын нэр яригдаж байгаа.   Засгийн газар, парламентын түвшинд дэмжлэг авсан ч Ерөнхийлөгч дээр очоод “гацсан” тал бий.  Тэгэхээр бүрэн эрхийн хугацаа нь  дууссан учраас  Элчин сайд Б.Чулуунхүү татагдах нь тодорхой.  Харин Н.Анхбаярыг явуулах уу, ГХЯ-наас өөр нэр оруулж ирэх үү гэдэг нь  удахгүй яригдана.

 

Тэгвэл  Австралийн Холбооны Улсад суух Элчин сайд Б.Чулуунхүү болон УИХ дахь МАН-ын бүлгийн дарга Д.Тогтохсүрэн,  АН-ын зөвлөлийн дарга Д.Эрдэнэбат нарын Сиднейн казинод байгаа зураг олон нийтийн анхаарлыг татсан. УИХ-ын дарга Г.Занданшатарын албан ёсны айлчлалын үеэр гарсан дээрх дуулиан намжих шинжгүй байна.  Тэнд байсан УИХ-ын гишүүн Д.Тогтохсүрэн,  Д.Эрдэнэбат нар яарч, сандран тайлбар хийж, казино тоглоогүй, судалсан хэмээж байгаа.  Мөн тэдний тайлбарт  “Айлчлалын хөтөлбөрийн дагуу  Элчин сайд Б.Чулуунхүүг дагаж, казинод орсон” гэх үг ч хавчуулагдсан байв.

 

Түүнчлэн ЕТГ-ын дарга З.Энхболдын тайлбар анхаарал татаж байв.  Тэрээр “Төрийн албан хаагчийн тухай ёс зүйн дүрэмд өөрчлөлт орж, мөрийтэй тоглосон тохиолдолд ажлаас нь халахаар болсон. Түүний дагуу хэдэн хүнд арга хэмжээ авсан. УИХ-ын гишүүн бол төрийн албан хаагч. Тиймээс халагдах ёстой.  МАН-ын УИХ, Засгийн газар дүрмээ хэрэгжүүлж чадах эсэхийг харъя” гэсэн байдаг.  Тэнд хоёр гишүүнтэй хамт Элчин сайд Б.Чулуунхүү байсан.  Гэтэл ЕТГ-ын дарга  З.Энхболд зөвхөн гишүүд  дээр акцент өгч байгаа нь сонин байв.  Аливаа оронд эх орноо төлөөлөн суугаа Элчин сайд ёс зүйн алдаа гаргавал хариуцлага  тооцох, эгүүлэн татах эрх нь  Ерөнхийлөгчид байдаг.  Харин УИХ-ын гишүүдийн ёс зүйн асуудлыг парламент хариуцдаг.  Тэгэхээр ЕТГ-ын дарга З.Энхболдын мэдэгдэл нь өөрийн толгой дээрх бухлыг харахгүй байж, өрөөлийн толгой дээрх өвсийг харах гэдэгтэй л адил зүйл болсон.

 

Гишүүдийг казино­дуулсан Элчин сайд Б.Чулуунхүү гэж хэн бэ.  2015 онд  З.Энхболдыг УИХ-ын дарга байх үед тус улсад томилогдсон, одоогоор бүрэн эрхийнх нь хугацаа дууссан гэдгийг дахин тодруулъя.  2018 оны  арванхоёрдугаар сард Ерөнхийлөгч Х.Баттулга зарлиг гаргаж, түүнд Онц бөгөөд бүрэн Эрхт элчин цол олгосон байдаг.   Б.Чулуунхүү 1973 онд Улаанбаатар хотын Налайх дүүрэгт төрсөн. 1996 онд Москвагийн Олон улсын харилцааны дээд сургууль, 1999 онд Шинэ Зеландын Виктория Их сургууль, 2007 онд Австрали улсын Флиндэрсийн их сургуулийг төгсчээ.  Улмаар 1996-2000 онд ГХЯ-нд атташе, 2000-2003 онд БНТУ-д суугаа ЭСЯ-нд атташе, III нарийн бичгийн дарга, 2003-2010 онд ГХЯ-нд нарийн бичгийн дарга, 2010-2012 онд АНУ-д суугаа ЭСЯ-нд нарийн бичгийн дарга, 2012-2014 онд Америк, Африкийн газрын захирал, 2015 оноос Европ, Америкийн газрын захирлаар ажиллаж байгаад  Австралийн Холбооны Улсад суух Элчин сайдаар томилогдсон байдаг.  Ийнхүү УИХ-ын дарга Г.Занданшатарын айлчлалын үеэр гарсан казиногийн дуулианы бас нэгэн гол баатар болох Элчин сайд Б.Чулуунхүүгийн тухай товч өгүүлэхэд ийм байна.

Эх сурвалж: Polit.mn

Shuud.mn
Сонин хачин
зочин:
Австралид суугаа элчин сайд уг нь мэргэжлийн дипломатч мѳн юмаа.яамай даа үргэлж л буусан хѳгшин дарга нараа явуулж байхаар.нэг ч гэсэн мэргэжлийн залуу хүнээ томилсонд нь талархмаар.гэвч хугацаа нь дуусчихаад байхад татахгүй байхыг бодоход ерѳнхийлѳгч,түүний тамгын дарга 2 ын л хүн юмаа даа?!
2020-01-22
Medeee:
Monhbat gedeg hun chin solongosd kazino togolool baijil bdag shuuu
2020-01-22
Гишүүд очихоор дагаад л явж таарах байлгүй дээ хөөрхий
2020-01-22
Ногоодуул нь очиж дарамтлаад л аваад явж байгаа
2020-01-22
Хэн нь тоглосон хэрэг вэ!
2020-01-22
tegeed ene zuragiig ymar hun ymar hunii daalgavaraar avdag ym bol. Muuhai mongol hun gej
2020-01-22
Huuli bol huuli baih heregtei.san uu? muu yu?hen ch bsan huuliin daguu l shiitgelee hurtdeg bh heregtei.darga gishuudiin bugsiig dolooj casino oruulj togluulj dailj tsaildag sain hun boloh gedeg iimerhuu biye unelegchdiig shuud turuus zailuulah heregtei biz dee?
2020-01-22
Zochin:
Kazino togloson geh erhmuudiin zurgiig hen avaad, hend uguv, ter yamar Dulzen bee, songuuli duhuj baigaa bolohoor erhmuud medeetei baimaar yum daa, dotroosoo l baigaa shd kk
2020-01-22
ҮНЭН:
ЖИНХЭНЭ ХОВОР ЭР ХҮН ШҮҮ. МЭДЭХ НЭГ НЬ МЭДНЭЭ. МУУ ЮМНУУД ЗҮГЭЭР ХҮНИЙГ ДАГУУЛЖ ЯВААД ХЭЛМЭГДҮҮЛЛЭЭ ДЭЭ.
2020-01-22
dd:
Bolovsrol medleg saitai ih dajgui hun shdee. Ingej helmegduulj bolohgui. Ajil deer ch amidral deer ch jinhen myjik hun shu.
2020-01-22
Хөөрхий элчин сайд үлдэх гэж зугуйдсан юм биш үү зайлуул
2020-01-22