Хил боомтын хөдөлгөөнийг хязгаарлах асуудлыг хэлэлцэнэ
1-24

 

Улсын онцгой комисс хуралдлаа. Хуралдаанаар гарсан шийдвэрийн талаар ЭМ-ийн сайд Д.Сарангэрэл сэтгүүлчдэд мэдээлэл хийж, сэтгүүлчдийн асуултад хариуллаа. 

 

-Улсын онцгой комиссын хуралдаанаар ямар шийдвэр гаргасан бэ? 

 

-БНХАУ-тай манай улс хиллэдэг. Коронавирусын тархалт Хятадад өндөр, нас баралт нэмэгдэж байна. Дээр нь томуу, томуу төст өвчний өвчлөл манай улсад өндөр байна. Тиймээс Улсын онцгой комисст сургууль, цэцэрлэгийн үйл ажиллагааг тодорхой хэмжээгээр хаах, эмнэлгийн тусламж үйлчилгээний бэлэн байдал, тарианы санхүүжилтийг гаргах, хилийн боомт орчмын хөдөлгөөнийг тодорхой хэмжээгээр хаах санал гаргасан.  Улсын онцгой комиссын хуралдаанаар сургууль, цэцэрлэгийн үйл ажиллагааг гуравдугаар сарын хоёрныг хүртэл хаахаар шийдвэрлэлээ. Харин хилийн боомт орчмын бүсээр тээврийн хэрэгслээр зорчихыг тодорхой хэмжээгээр хязгаарлах асуудлыг Засгийн газрын хуралдаанаар шийдвэрлэхээр боллоо. 

 

-Саатуулсан иргэдийн биеийн байдал ямар байна вэ?

 

-Шадар сайдын тушаалаар нийгмийн эрүүл мэндийн асуудал үүссэн үед холбогдох байгууллагууд хэрхэн ажиллах талаар гаргасан захирамж байдаг. Бид тасралтгүй хамтын ажиллагаатай байгаа. Ташаа мэдээлэл их байна. Бид халуурсан иргэдийг бүртгэн, шинжилж байгаа. Бээжин-Улаанбаатар-Москвагийн галт тэргэнд явсан хятад улсын иргэн өндөр халуурсныг Монгол Улсын хилээр нэвтрүүлэхгүй, буцаасан.  Шинжилгээ хийхэд коронавирус илэрсэн. Энэ хүнтэй ойр явсан нэг иргэнд ХӨСҮТ-д шинжилгээ авсан. Коронавирус илрээгүй. 

Н.Энх

Shuud.mn
Сонин хачин
Зочин:
Сэтгүүдч мэргэжилтэй Эрүүл мэндийн сайд ЮУ МЭДДЭГТЭЙ ӨДӨРТ ХЭД ЗУРАГТААР ГАРЧ ТОМ ТОМ ДУГАРНА. ИЧМЭЭР ЮМ. БАС НЭГ БӨХ НӨХӨР ТОМ ТОМ ДУГАРНАА ТА НАР МЭРГЭЖЛИЙН АЖИЛЧИДААСАА ИЧЭЭЧ ИЧЭЭЧ..... ИЧ
2020-01-25
ЗОЧИН:
Сургууль цэцэрлэгийн хүүхдүүдийн ирц талдаа ч хүрэхгүйгээр үйл ажиллагаа нь явагдаж байна. Өрх эрүүл мэндийн төвүүдээр үзүүлж байгаа хүүхдүүдийн чанартай хоол тэжээл өгч чадахгүй, эмчийн бичсэн эмийн жороор эмээ авч чадахгүй айл өрх их байна. Эмийн сангууд энэ ханиадны үед ашиг сонихрол нь ихсэж гол хэрэгтэй эм тарианы үнийг нэмсэн байна. Амьдралын түвшин доогуур айл өрхийн өвчтэй хүүхэддээ авч өгөх эмийн мөнгө төгрөггүй орлогогүй айл өрх байсаар байна хүүхдүүд хүндэрсээр байна сайдаа
2020-01-25
Иргэн:
Дэмжиж байна
2020-01-25
Зочин:
Маш зөв санал байна
2020-01-25
Иргэн:
Энэ жил цагаан схр тэмдэглэж айл хэсэхийг хорих хэрэгтэй
2020-01-25