Эрхүү хотод ТИТЭМ ВИРУСИЙН сэжигтэй тохиолдол бүртгэгдлээ
1-25

ОХУ-ын Эрхүү хотод шинэ төрлийн титэм вирусийн сэжигтэй тохиолдол бүртгэгдсэн талаар Вести мэдээллээ. 

 

Эх сурвалжийн мэдээлснээр, саяхан Бээжингээс ирсэн БНХАУ-ын иргэнийг эмнэлэгт хүргэсэн бөгөөд эмч нар түүний оношийг шинэ төрлийн титэм вирусийн халдвар байж болзошгүй хэмээн үзэж байгаа аж. Шинжилгээгээр батлагдаагүй ч титэм вирусгүй гэдгийг эцэслэн тогтоохын тулд шинжилгээг Новосибирск рүү илгээсэн байна.

 

Өвчтөнд вирусийн эсрэг эмчилгээ хийж байгаа бөгөөд өвчтөний биеийн байдал харьцангуй сайжирсан гэнэ. 

 

 Энд дуулгахад, шинэ төрлийн титэм вирусийн халдвар авсан хүний тоо 1287-д хүрсэн талаар бямба гаригт Хятадын Эрүүл мэндийн улсын хороо мэдэгджээ. Ингэснээр өвчлөлийн тоо хоногийн дотор 444-өөр нэмэгдсэн байна. 

 

Амиа алдсан хүний тоо 41- д хүрч, ганцхан хоногийн дотор 16 хүн нас баржээ. 

 

Г.Бямбасүрэн

Shuud.mn
Сонин хачин