Эрүүл мэндийн яамнаас шинээр бүртгэгдсэн титэм вирусийн нөхцөл байдлын мэдээллийг 2020 оны нэгдүгээр сарын 28-ны 10.00 цагийн байдлаар өглөө.

Вирусийн тохиолдлын тоо 4474, нас баралт 106, эдгэрсэн 63 хүн байна. Өчигдөр /2020.01.27/ 10.00 цагийн байдлаар нас барсан хүний тоо 80-д хүрээд байсан бол хоногийн хугацаанд 20-иор нэмэгджээ.

Титэм вирусийн тохиолдол бүртгэгдсэн орнууд:

-БНХАУ

-БНХАУ Макао

-БНХАУ Хонг-Конг

-БНХАУ Тайвань

-Сингапур

-Тайландын Вант Улс

-Япон

-БНСУ

-Непал

-АНУ

-Австрали

-Камбожи

-Зааны Ясан эрэг улс

-Шри-Ланка

-Франц

-Вьетнам

-Малайз

-Канад

-ХБНГУ

Монгол улсад титэм вирусийн халдвар илрээгүй байна.

“Титэм” вирүсийн халдвараас сэргийлэх зөвлөмж:

✅ Гараа сайтар савандаж угаах, халдваргүйжүүлэгч хэрэглэх;

✅ Ханиах, найтаах үедээ ам хамраа таглах, амны алчуур хэрэглэх;

✅ Мах, өндөгийг гүйцэд болгож идэх;

✅ Амьсгалын замын өвчний шинж тэмдэг илэрсэн хүнтэй ойр байхаас зайлсхийх;

✅ Мал, тэжээвэр болон зэрлэг амьтантай хүрэлцэхгүй байх;

✅ Шүүрхий мах, махан бүтээгдэхүүн идэхгүй байх;

✅ Түүхий ус уухгүй байх;

✅ Далайн гаралтай хүнсний бүтээгдэхүүнийг сайтар буцалгаж хэрэглэх;

✅ Арьс, салстаа гэмтээхгүй байх;

✅ Мал, амьтны зах, аж ахуйгаар орохгүй байх;

✅ Халдварын эрсдэлтэй бүс нутагт аль болох зорчихгүй, зочин урихгүй байх;

✅ Хүн ихээр цугларсан газарт аль болох очихгүй байх;

✅ Зэрлэг амьтдын мах, эд эрхтэнг хүнсэнд хэрэглэхгүй байх;

✅ Нус, цэрээ ил задгай хаяхгүй байх