Зөвлөлт Холбоот Улс Дэлхийн хоёрдугаар дайныг өдөөсөн гэж Владимир Зеленский үзэж байгаа гэнэ. тэрбээр энэ тухайгаа Освенцимд болсон арга хэмжээний үеэр мэдэгджээ.
Түүний өгүүлснээр тоталитар дэглэмүүдийн үгсэн хуйвалдаан дайныг өдөөсөн бөгөөд улмаар нацистын Герман Холокостыг эхлүүлэн, Польшийн оршин суугчид хамгийн түрүүнд үүнийг мэдэрсэн гэнэ.
Бөөнөөр хорих лагериудын хоригдлыг чөлөөлсөн талаар Зеленский ярихдаа гагцхүү украинчууд энэ ажиллагаанд оролцсоныг дурджээ.
Харин НҮБ-ын дэргэдэх Оросын байнгын төлөөлөгч Василий Небензя дэлхий нийтэд хандан Дэлхийн хоёрдугаар дайны сургамжийг санаж, хэт үндсэрхэг үзэл гаргаж байгааг хараагүй мэт өнгөрөхгүй байхыг уриалсан юм.
Освенцимийг чөлөөлсний 75 жилийн ойн үеэр тэрбээр мэдэгдэл хийхдээ "Энэ аймшигт хэргийг хийсэн, Холокостыг үйлдсэн, дайныг хэн эхлүүлж, олон сая хүнийг уй гашууд автуулсныг бид мартах учиргүй" гэж онцолсон юм.
Энд дуулгахад, нэгдүгээр сарын 27 бол Холокостын хохирогчдыг дурсах олон улсын өдөр юм. 1945 оны нэгдүгээр сарын 27-ны өдөр Улаан армийн цэргүүд Освенцимийн амьд үлдсэн хоригдлуудыг суллаж байв.
Г.Бямбасүрэн