Оймсондоо мөнгө нуусан МХЕГ-ын хэлтсийн дарга, байцаагчдын ялыг хөнгөдсөн гэж үзэв
2020-02-06

 

Авлигын мөнгөө оймсондоо нуусан гэх МХЕГ-ын хэлтсийн дарга асан Н.Баярсайхан нарын 25 хүнд холбогдох шүүх хурал өчигдөр /2020.02.06/ Улсын дээд шүүхэд боллоо. 

 

Шүүх хуралдаанаар Н.Баярсайхан нарын 25 хүнд холбогдох хэргийг шүүгдэгч нар, тэдний өмгөөлөгчдийн гаргасан гомдлын дагуу хянан хэлэлцэв.


Чингэлтэй дүүргийн Эрүүгийн хэргийн анхан шатны шүүх дээрх хэргийг 2019 оны 5 дугаар сарын 7-ны өдөр хянан хэлэлцээд Н.Баярсайханыг хахууль авсан гэмт хэрэг үйлдсэн гэм буруутайд тооцож, нийтийн албанд томилогдох эрхийг 5 жилийн хугацаагаар хасаж, 40 сая төгрөгөөр торгох ял оногдуулжээ.

 

Э.Аззаяа, Г.Элдэв-Очир, С.Бүрэнтөгс нарыг гэмт хэргийн улмаас олсон мөнгө, орлого гэдгийг мэдсээр байж авсан гэмт хэрэг үйлдсэн гэм буруутайд тооцож, тэдэнд холбогдох хэргийг хөөн хэлэлцэх хугацаа дууссан гэсэн үндэслэлээр хэрэгсэхгүй болгож шийдвэрлэсэн байна.

 

Ш.Тэгванданг хахууль өгөх гэмт хэрэгт хамжигчаар оролцсон гэм буруутайд тооцож, хорих ял оногдуулалгүйгээр 1 жилийн хугацаагаар тэнсжээ.

 

Ж.Батжаргал нарын 18 хүнийг хахууль өгөх гэмт хэрэг үйлдсэн гэм буруутайд тооцож, нийтийн албанд томилогдох эрхийг 2 жилийн хугацаагаар хасаж, 2 сая 700 мянган төгрөгөөр торгох ял оногдуулсан аж.

 

Д.Хандсүрэн, М.Нарангэрэл нарт яллах дүгнэлт үйлдэж ирүүлсэн хэргийг гэмт хэргийн шинжгүй гэсэн үндэслэлээр хэрэгсэхгүй болгосон байна.

 

Нийслэлийн Эрүүгийн хэргийн давж заалдах шатны шүүх уг хэргийг 2019 оны 9 дүгээр сарын 10-ны өдөр хянан хэлэлцээд Н.Баярсайхан, Э.Аззаяа, С.Бүрэнтөгс, Г.Элдэв-Очир нарын 19 хүнд холбогдох хэргийг шүүх хуралдаанаар хэлэлцүүлэхээр анхан шатны шүүхэд буцаажээ. Харин Д.Хандсүрэн нарын 6 хүнд холбогдох хэргийг тусгаарлаж, Нийслэлийн прокурорын газарт буцааж шийдвэрлэсэн аж.

 

Улсын Дээд шүүхийн хяналтын шатны эрүүгийн хэргийн шүүх хуралдаанаар дээрх хэргийг хянан хэлэлцээд МХЕГ-ын газар, хэлтсийн дарга, байцаагчид болох Н.Баярсайхан, Э.Аззаяа, Г.Элдэв-Очир, С.Бүрэнтөгс, Г.Тэгвандан нарт холбогдох хэргийн зүйлчлэлийг үндэслэлгүй хөнгөрүүлэн өөрчилсөн, ял хөнгөдсөн, шүүгдэгч Д.Төмөрбаатарт холбогдох хэргийн ял хөнгөдсөн гэсэн үндэслэлээр тэдэнд холбогдох хэргийг анхан шатны шүүхээр дахин хэлэлцүүлэхээр буцаасан давж заалдах шатны шүүхийн магадлалын заалтуудыг хэвээр үлдээлээ.


Харин нэр бүхий 19 шүүгдэгчийн хувьд анхан шатны шүүхийн шийтгэх тогтоолын зарим заалтыг хэвээр үлдээж шийдвэрлэв.

Shuud.mn
Сонин хачин
Ийм л байна цаг дээрээ, үүнээс хойш АВИЛГАЛТАЙ тэмцэнэ гэж хуцахаа больцгоо, аль аль дээд доод бүх шатандаа аль болох чадлаараа өгөлцөж авалцах хэрэгтэй гэж дээрээс хэлээд байна, хууль цагдаа гэж нэрнээс нь л айх, бусдаар энэ хэдэн шүүгчтэйгээ үүрд авслагдсан, дураараа дуриг дунд чөмгөөрөө жиргэцгээе...
2020-02-06
irgen:
ene hymyys nasaaraa toriin baiguullagad ajillah erh baihgui ….dendyy baina
2020-02-06
Ял гэж юмгүй юм байна, авилгалаа авцгаа, авцгаа
2020-02-06
Элдэв-Очир авилгачин:
Элдэв-Очир гэж тэнэг гар авилга авахаас өөр юм хийдэггүй бузар байсан. Цаазал авилагчин амьсгааг
2020-02-06