Шинэ төрлийн титэм вирус дэгдсэний улмаас хохирол амссан жижиг дунд бизнес эрхлэгчдэд Өмнөд Солонгосын засгийн газар тусламж үзүүлэхээр болсон тухай KBS мэдээлжээ.

Эх сурвалжийн мэдээлснээр, жижиг дунд үйлдвэрүүд болон хувиараа бизнес эрхлэгчдэд материаллаг тусламж үзүүлэхээр төлөвлөсөн байна. Энэ тусламжийн хөтөлбөрт аялал жуулчлал, зугаа цэнгээний салбарынхан, боловсруулагч үйлдвэрүүд болон Хятадаас ирэх нийлүүлэлт нь тасалдсан компаниуд хамрагдах аж.

Дэмжлэг үзүүлэх ажлын хүрээнд дээрх төрлийн аж ахуйн нэгжүүд бага хүүтэйгээр нэг тэрбум хүртэлх воны зээлийг тав хүртэлх жилийн хугацаатай авах боломжтой болох гэнэ.

Г.Бямбасүрэн