АНУ Trident II баллистик пуужин туршжээ
2-17

 

Америкийн цэргийнхэн Калифорни мужийн Сан-Диего хотын эрэг орчмоос "Охайо" төрлийн шумбагч онгоцноос Trident II (D5LE) баллистик пуужин туршсан талаар АНУ-ын Тэнгисийн цэргийн командлал мэдэгджээ.

 

"Өнөөдөр Trident II (5DLE)  пуужинг туршснаар ашиглалтын үзүүлэлтүүдийг баталж, найдвартай байдал, оновчтой цохилт өгөх чадвар болон зэвсгийн стратегийн системийн үзүүлэлтүүдийн талаарх нэмэлт мэдээллүүдийг цуглууллаа" хэмээн Тэнгисийн цэргийн командлалын мэдэгдэлд онцолжээ.

 

Энд дуулгахад, Lockheed Martin Space Systems компанийн боловсруулсан энэхүү пуужинг 1990 онд АНУ-ын зэвсэглэлд нэвтрүүлсэн, атомын шумбагч пуужин тээвэрлэгчээс хөөргөх зориулалттай. Пуужин 11 300 км туулах чадвартай бөгөөд 475 болон 100 килотонн хүчин чадалтай термо цөмийн цэнэгээр тоноглогдсон блокууд бүхий салдаг толгой хэсэгтэй аж.

 

Г.Бямбасүрэн

Shuud.mn
Сонин хачин
шудрагыг хүсэгч иргэн:
АНУ-ын энэ пуужин туршиж байгаа үйлдлийг буруушаан хориглох улс байна уу...Бүгд л нам гүм байгаа биз дээ.Үүнийг шудрага ёс гэдэггүй л байх...Ямар нь ийм давуу эрх эдэлдэг юм бэ.НҮБ л үүнд хариу өгөх ёстой байх шүү...
2020-02-17