ГХЯ: БНХАУ-д үлдсэн 336 иргэнээ ойрын хугацаанд татан авна
2020-02-18
Гэрэл зургийг MPA.mn

 

Засгийн газрын хуралдаанаар улсын хилийг бүрэн хааж, өндөржүүлсэн бэлэн байдлын зэрэгт шилжүүлсэн. Хил хааснаас хойшхи хугацаанд Гадаад харилцааны яам, Консулын газраас тодорхой хугацаа өгч БНХАУ-д байгаа монгол иргэдээ татан авчрахаар ажлын хэсэг байгуулан ажиллажээ. Ингэснээр 106 иргэн эх орондоо буцах хүсэлтээ гаргасны дагуу татан авах ажлыг зохион байгуулсан аж. 

 

Гэвч өнөөдрийн байдлаар Шанхай хотод 10,  Бээжин хотод 56, Эрээн хотод 100 монгол иргэн үлдсэн байгаа бөгөөд мөн Хөххотод байгаа цөөнгүй иргэнээс эх орондоо буцах хүсэлтийг тавьжээ. Гадаад харилцааны дэд сайд Б.Батцэцэг "Эх орондоо ирэх хүсэлтээ илэрхийлсэн иргэдийг ойрын хугацаанд татан авна" гэдгийг хэллээ. 

 

Хоёрдугаар сарын 18-ны мягмар гаригийн өглөө өгсөн мэдээллээр, Хятадад халдварын улмаас нас барсан хүний тоо нэг хоногийн дотор 98-аар нэмэгдэж 1868 болсон бол 72,4 мянган хүн халдвар авчээ. Харин 12 мянган хүн бүрэн эдгэрч эмнэлгээс гарсан байна.

 

Г.Сүрэн

Shuud.mn
Сонин хачин
Ndj:
Zolbirood teneed bxima. Neg sain hun bolj naash n tataad yugehve. Tende baij baig. Naidvartai xaldvar irne shu. Xoxi n shuu tsogtbaatraa
2020-02-19
Зочид:
Заас тэд тэндээ л байна биз. Ер гь яах гэж гадаад орнуудаас иргэдээ татаж аваад байгаам бэ? Ялангуяа Хятадаас. Хэлсээр сэрэмжлүүлсээр байтал тэнд байгаа хүмүүсийг тэнд нь үлдээ. Аюул дуусаж халдваргүй болмогц ирнэ л биз. Ирээд улс орон сүйрүүлчихвэл тэд хохирлыг юугаараа төлөх юм. Чадах ч үгүй тиймээс байгаа байгаа газраа л Цагаан сар өнгөрч хөл хорио тавигдтал байх хэрэгтэй. Энэ бол эх орондоо оруулж буй том хөрөнгө оруулалт бас иргэний ухамсар эх орноо гэсэн сэтгэлийн илрэл байх болно.
2020-02-18