Х.Баттулга: Монголын уудам нутагт эрүүл энх, элэг бүтэн амьдрал өнөд оршиг
2-24

 

XVII жарны “Хотол төгс” хэмээх төмөр хулгана жилийн сар шинийн баярыг тохиолдуулан Монгол Улсын Ерөнхийлөгч Х.Баттулга ард түмэндээ хандан мэндчилгээ дэвшүүллээ.

 

 

МОНГОЛ УЛСЫН ЕРӨНХИЙЛӨГЧ Х.БАТТУЛГЫН МЭНДЧИЛГЭЭНД:

“Амархан сайн байцгаана уу, монголчууд аа

 

Ахмад настан буурлууд минь тавтай сайхан хаваржиж байна уу?

 

Монгол сайхан уламжлалаараа та бүхний амар амгаланг айлтгаж “Хотол төгс” хэмээх төмөр хулгана жилийн сар шинийн баярын мэнд дэвшүүлье!

 

“Өвчингүй бол жаргал” хэмээх өвгөдийн сайхан сургаал байдаг.

 

Эрхэм дээд баялаг болох эрүүл мэндээ хайрлан хамгаалж, азай буурлууд, алдрай үрсээ аюулт өвчнөөс сэргийлэхийн тулд энэ цагаан сараар биечлэн золгохгүй байхыг төр засгаас уриалж, нийтийн хөдөлгөөнийг хязгаарлахаас өөр аргагүй эрсдэлтэй нөхцөл байдалд байгааг монголчууд маань уужим сэтгэлээр ухамсарлан ойлгож, уриалан дэмжиж байгаад талархалтай байна.

 

Ахмад буурлууд аа!

 

Монголын төр настан буурлуудаа халамжлан тэтгэх нандин уламжлалаа умарталгүй, хичээн гүйцэлдүүлэхээр чармайн ажиллаж байгаа.

 

Саяхан батлагдсан Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хууль бол үүний тодхон илэрхийлэл бөгөөд дараа дараагийн шат дараалсан арга хэмжээний зөвхөн эхлэл юм.

 

“Амны бэлгээс ашдын бэлгэ” гэдэгчлэн Монгол түмэн бид хамтын хүчээр дэлхий нийтийг түгшээсэн энэхүү сорилтыг даван туулж, энх цагийг ам цагаан хулгана жилийн эхэнд авчрахын төлөө иргэдийнхээ эрүүл мэндийн манаанд нүд цавчилгүй зогсож буй онцгой байдал, эрүүл мэндийн салбарынхаа ажилтан, албан хаагчдын хөдөлмөр зүтгэлийг үнэлж, Төр засгийнхаа шийдвэрийг үлгэрлэн дагана гэдэгт гүнээ итгэж байна.

 

Мөнх тэнгэрийн хүчин дор Монголын уудам нутагт эрүүл энх, элэг бүтэн амьдрал өнөд оршиг” гэжээ.

 

Shuud.mn
Сонин хачин
Иргэн:
Ерөнхийлөгч хязгаарлалт зөрчин Цонжин болдог орж Ерөнхий сайз хос морьтой шилийн уогдод гарсан юм шиг сэттгэгдэл төрүүлж байна шүү ёслолынхоо!!!
2020-02-24
irgen:
Eronhiilogch maani Hentiid ochchihoo yu esvel zuragnii omno zogsoj baina uu he he he, iish tiishee zorchihiig horigloson shdee, bayarlalaa
2020-02-24
irgen:
sar shinee ger orondoo saihan temdeglezgee hymyysee, saihan jil boloh baih ….
2020-02-24
Эргүү дагз чинь цагаан сар хийхгүй гэчээд хамаг амьдны хорхой хүргээд өөрөө балаараад мэндчилгээ энэ тэр яриад яанам бэ
2020-02-24
Kkkkk:
Chi ooroo mal horison bol ooroo hamgiin turuund bieluuleh jostoj
Mal min ulsiin terguun xun ard tumende mendhilgee devshuuldin bgazde