Улсын онцгой комиссоос уриалга гаргалаа. Уг уриалгад "Болзошгүй эрсдэлд бид хамтдаа байж, бүх түвшинд шаардлагатай арга хэмжээг авснаар цаашид учирч болох эрүүл мэнд, нийгэм, эдийн засгийн сөрөг үр дагаврыг багасгаж чадна. Аж ахуйн нэгж, байгууллагууд нийгмийн хариуцлагаа ухамсарлаж, ажилтан, албан хаагчдынхаа эрүүл мэндэд анхаарч, ариутгал, халдваргүйжүүлэлтийн дэглэмийг сайтар сахин, хувийн хамгаалах хэрэгслээр хангахад анхаарал хандуулахыг хүсч байна.

Төр хувийн хэвшил, ажил олгогч-ажилтан, түрээслэгч-түрээслүүлэгчид бодит нөхцөл байдлыг харгалзан асуудлаа уян хатан шийдэж байхыг мөн уриалж байна.

Иргэн, аж ахуйн нэгж, байгууллага бүр хариуцлагатай байж, хүчээ нэгтгэн COVID-19 вируст халдварын эрсдэлт үеийг даван туулах ёстой.