Монголын хоккейчид 100 хувийн амжилттай
3-4

 

ОХУ-ын Эрхүү хотод явагдаж буй бөмбөгтэй хоккейн 40 дэх удаагийн ДАШТ-д Монголын баг хэсгийн шатанд 100 хувийн амжилт үзүүллээ. В зэрэглэлийн В хэсэгт Сомалийн багийг 10:0, Словакийн багийг 4:0, Японы багийг 2:1-ээр хожоод байсан манай хоккейчид өчигдөр Латвийн багийг 2:0-ээр ялж хэсгээ тэргүүлэв.

 

Тоглолтын дараа манай шигшээ багийн ахлах дасгалжуулагч Ж.Банзрагч “Эхний үед бид яг төлөвлөснөөрөө тоглолоо. Амжилттай довтолгооноор хоёр гоол оруулж чадсан. Завсарлагааны дараа төдийлөн сайн тоглоогүй ч хамгаалалтад алдаа гаргасангүй” хэмээн ярьжээ. Өнөөдөр буюу гуравдугаар сарын 4-нөөс хасагдах шатны тоглолт эхэлж байгаа бөгөөд Монголын баг А хэсгээс дөрөвдүгээр байраар шалгарсан Чехийн багтай тулна. Тоглолт 10:00 цагаас Эрхүү хотын “Рекорд” цэнгэлдэхэд эхлэх юм.

Ц.Ганбат

Shuud.mn
Сонин хачин