Сүүлийн үед дэлхий даяар коронавирусын халдвар эрчимтэй нэмэгдэж байгаатай холбогдуулан Олон улсын жүдо бѳхийн холбооны удирдах зѳвлѳл хуралдаж, дөрөвдүгээр сарын 30 хүртэл жүдогийн ямар нэгэн тэмцээн зохион байгуулахыг цуцалсан байна.

Ингэснээр “Токио-2020” олимпийн наадмын оноо олгох Екатеринбургийн Их дуулга, Тбилисийн гранпри, Антальягийн гранпри тэмцээн болон тивүүдийн нээлттэй тэмцээнийг цуцаллаа. ОХУ-ын Екатеринбург хотноо энэ долоо хоногт болох ёстой байсан Их дуулга тэмцээнд Монголын шилдэг 21 жүдоч өрсөлдөхөөр мэдүүлгээ илгээгээд байсан юм.

М.Бүүвэй