Монгол Улсад гуравдугаар сарын 2-ны өдөр ирсэн Франц улсын иргэн COVID-19 вирусээр өвчилсөн болох нь шинжилгээгээр тогтоогдсон. Ингэснээр Монгол Улсад СOVID-19 вирусийн халдварын анхны тохиолдол гадны улс орноос зөөвөрлөгдөн /2020.03.09/ орж ирсэн.
Уг иргэний ойрын хавьтал болох "Оюутолгой" компанийн байранд тусгаарлагдсан долоон хүн, Дархан-Уул аймаг тусгаарлагдсан нэг, нийт найман хүний шинжилгээний хариугаар COVID-19 вирус илрээгүй байна.
Ингэснээр батлагдсан тохиолдлын ойрын хавьтлын нийт 215 хүнээс вирусийн халдвар илэрсэнгүй. Шинжилгээний хариу эерэг гарсан Франц улсын иргэнийн биеийн байдал тогтвортой байгаа гэдгийг ХӨСҮТ-ийн ерөнхий захирал Д.Нямхүү мэдээллээ.
Г.Сүрэн
Уншиж байна |