ТОКИО-2020: Зуны олимпийн XXXII наадмыг ХОЙШЛУУЛАВ
3-25

 

2020 оны долдугаар сарын 24-нд эхэлж, наймдугаар сарын 9-нд өндөрлөх ёстой байсан Зуны олимпийн XXXII наадмыг бүтэн нэг жилээр хойшлуулах шийдвэрт талууд нэгджээ. Энэ тухайд Олон улсын олимпийн хороо, “Токио-2020” олимпийн зохион байгуулах хороо өчигдөр орой хамтран мэдэгдэл гаргасан юм.

 

 

Бүх дэлхийг хамран тархсан коронавирусын халдварын улмаас энэ шийдвэрийг гаргасан бөгөөд хойтон явуулахдаа ч “Токио-2020” нэрийг үргэлжлүүлэн ашиглахыг мөн мэдэгдсэн байна. Олимпийн нээлтээс 122 хоногийн өмнө ийнхүү цаг тооллыг зогсоож, шинээр тоолж эхлэхээр болов. Мөн паралимпийн наадмыг 2021 оны намар хүртэл хойшлуулж байна. Япон улсын Ерөнхий сайд Шинзо Абэ, Олон улсын олимпийн хорооны ерөнхийлөгч Томас Бах нар наадмыг нэг жилээр хойшлуулах саналыг дэмжиж, ижил байр суурьтай буйгаа илэрхийлжээ.

Ц.Ганбат

Shuud.mn
Сонин хачин