Сангий сайд Ч.Хүрэлбаатар мэдээлэл хийж байна. Тэрбээр коронавирусийн халдварын үед эдийн засгийн талаар Засгийн газраас авч хэрэгжүүлэх арга хэмжээг танилцуулав.
Сангийн сайд Ч.Хүрэлбаатар:
-ОУВС болон бусад мэдээллээс үзэхэд эдийн засгийн хямрал гүнзгий унаад, эрсдэл өндөр байхаар төлөвлөгөө тооцоолсон. Коронавирусийн халдварын Монголын эдийн засаг үзүүлэх нөлөөг нэг жилээр тооцсон. Өнөөдөр 205 оронд коронавуриус тархсан, бүгдийнх нь эдийн засагт сөрөг нөлөөлж байгаа. Засгийн газраас гурван багц асуудлыг хэрэгжүүлнэ. Ард иргэдийн эрүүл мэндэнд анхаарч, аж ахуйн нэгжүүдээ дэмжих чиглэлээр, эдийн засгийг сэргээх талаар гурван арга хэмжээ авч хэрэгжүүлж байна.
Юуны өмнө ард иргэдийн эрүүл мэндийг хамгаалах чиглэлээр 17 тэрбум төгрөгийг зарцуулаад байгаа. Үүнээс гадна нэн шаардлагатай тоног төхөөрөмж худалдан авахад зориулж 20.6 тэрбум төгрөгийг гаднын зээл, тусламжаар авахаар ярьж байгаа.
Шинэ коронавирусийн тархалтын үед иргэдийн эдийн засгийг хамгаалах зорилгоор Засгийн газраар хэлэлцүүлж, УИХ-аар батлуулахаар хэлэлцлээ. Богино хугацаанд бид нийтдээ 200 гаруй тэрбум төгрөгийн санхүүжилтийг эрүүл мэндийн салбарт хийнэ.
Иргэд аж ахуйн нэгжүүдээ дэмжих чиглэлээр боловсролын салбарт хэмнэгдсэн мөнгөнөөс хүүхэд бүрт хүүхдийн мөнгөн дээр сар бүр 10 мянган төгрөг нэмж, 30 мянган төгрөг олгоно.
Засгийн газар дөрөвдүгээр сарын 01-нээс эхлээд зургаас сарын хугацаанд аж ахуйн нэгжүүдийн НДШ, иргэдийн цалингаас ОАТ авахгүй гэсэн шийдвэр гаргасан. Үүнд гурван чиглэлийн албан байгууллага, компани, албан хаагчидд хамрагдахгүй. Үүнд:
-Улсын төсвөөс цалин авдаг төрийн албан хаагчид орохгүй. Учир нь тэдний орлого буураагүй.
-Төрийн өмчит ААН-үүд мөн орон нутгийн өмчит ААН-үүд дээрх хөнгөлөлт хамаарахгүй.
-Тендэр зарлагддаг, одоо ажлаа хийж байгаа компаниуд улсаас мөнгө авч ажлаа хийж байгаа учраас ажиллагсдыг нь НДШ-ээс чөлөөлөхгүй.
Нийтдээ 526 мянган ААН-ийн ажилчид НДШ-ээс чөлөөлөгдөнө.Өөрөөс үл шалтгаалан үйл ажиллагаа нь зогссон боловч ажлын байраа хадгалж байгаа ААН-ийн даатгуулагч иргэнд 2020 оны 04 дүгээр сарын нэгнээс 2020 оны 07 дугаар сарын 01-ний гурван сарын хугацаанд сар бүр 200.000 төгрөгийн дэмжлэг олгоно зэрэг багтаж байна. Уг тогтоолын төслийг яаралтай горимоор УИХ-ын даргад өргөн мэдүүлж, хэлэлцэн шийдвэрлүүлнэ.хэмээв.