НҮБ: Арабын ертөнцөд 8,3 сая хүн цар тахлын улмаас ядууралд өртөж болзошгүй
4-2

Цар тахлын улмаас 2020 онд Арабын орнуудад 8,3 сая хүн ядууралд өртөж болзошгүй гэж НҮБ мэдээлжээ. 

 

НҮБ-ын мэдээлснээр, хүнсний хомсдолд орсон хүмүүсийн тоо хоёр саяар нэмэгдэж магадгүй гэнэ. 

 

"Энэхүү хямралын үр дагавар ялангуяа эрсдэлтэй бүлгийнхэнд хүнд тусна. Эрсдлийн бүлэгт эмэгтэйчүүд, залуус болон нийгмийн хамгаалал, ажилгүйдлийн даатгалд хамрагдаагүй хүмүүс багтана" хэмээн НҮБ-ын Баруун Азийн Эдийн засаг, нийгмийн комиссын гүйцэтгэх нарийн бичгийн дарга Рола Дашти мэдэгджээ. 

 

НҮБ-ын онцолсноор, Арабын бүс нутагт одоо 101,4 сая хүн ядууралд өртсөн байгаа бөгөөд үүнээс гадна 52 сая хүн хүнсний хомсдолд нэрвэгджээ. 

 

Энд дуулгахад, Арабын ертөнцөд  Ойрх Дорнод, Хойд Африкийн орнууд, Палестин болон Дорнод Африкийн Комора, Сомали, Жибути гэсэн гурван улс багтдаг юм.

 

Г.Бямбасүрэн

Shuud.mn
Сонин хачин