Амралтын газар, фитнесс, сауны үйл ажиллагааг нээлээ
4-17

 

Дэлхийн олон улсад тархаж байгаа коронавирусын халдвараас урьчилсан сэргийлэх зорилгоор Нийслэлийн Засаг дарга захирамж гаргаж 2020 оны 04 сарын 30-ны өдрийг хүртэл  нийслэлийн хэмжээнд үйл ажиллагаа явуулж байгаа бүх төрлийн баар, караоке, амралт сувиллын газар, бялдаржуулах төв,  саун, сургалтын төвийн үйл ажиллагааг түр зогсоосон.

 

Тэгвэл өчигдөр /2020.04.16/ Монгол Улсын Засгийн газраас нийслэлд ирүүлсэн амралтын газар, фитнесс заал, сауны  үйл ажиллагааг нээх чиглэлийн хүрээнд НОК-ын Шуурхай ажлын хэсэг хуралдаж, иргэд, аж ахуйн нэгжүүдээс ирүүлсэн хүсэлт, холбогдох судалгаа тооцоо, тоон баримтанд үндэслэн хэлэлцсэн.

 

Хэдийгээр коронавирусын тархалтаас урьчилсан сэргийлэх ажил нийслэлийн хэмжээнд хэрэгжиж байгаа ч олон хүн нэг дор төвлөрөхөөс урьчилан сэргийлэх, улс, нийслэлийн эдийн засгийг сэргээх, хувийн хэвшлийнхэний үйл ажиллагааг дэмжих, иргэдийг гэр бүлээрээ агаар салхинд гарах боломжийг бүрдүүлэх, Монгол Улсын Засгийн газраас өгсөн үүрэг чиглэлийг хэрэгжүүлэх зорилгоор Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр А/521 тоот “Иргэдийн эрүүл мэндийн талаар авах зарим арга хэмжээний тухай” захирамж гаргаж нийслэлийн нутаг дэвсгэр дээр стандартын шаардлага хангах хэмжээнд үйл ажиллагаага явуулж байгаа амралтын газар, аялал жуулчлалын бааз, саун, буудал, бялдаржуулах төв /фитнесс/, иогийн клуб, цөөн хүнтэй сургалтын төвийн үйл ажиллагааг нээлээ.

 

Эдгээр байгууллагууд үйл ажиллагаа нээж, явуулахдаа үйлчлүүлэгчийн биеийн халууныг хэмжиж дотогш нэвтрүүлэх, ариутгал халдваргүйжүүлэлтийг хоёр цаг тутамд гүйцэтгэж байх, иргэдийг нэг дор олноор цуглуулахгүй байх, мэргэжлийн байгууллагын зөвлөмж зөвлөгөөг хэрэгжүүлэх үүрэг хүлээн ажиллахыг Хотын дарга захирамждаа дурьджээ.

 Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс 

Shuud.mn
Сонин хачин
Зөвөө:
Нийтэд халдавар тархаагүй юм л бол нээх хэрэгтэй, олон газар өрөнд баригдаж дампуурч байгаа. Цэцэрлэгийн хүүхдээ гэртээ харж гэр бүлийн нэг нь ажилгүй байгаа л хамгийн хэцүү байна даа
2020-04-17
зочин:
Нээсэн нь дээр ээ,харин гадаадаас ирж тусгаарлалтад орсон хүмүүсээ л тухайн хугацаанд нь сайн хянаж байвал болох байх.
2020-04-17
зочин:
цаг нь болоогүй нээж болохгүй.наад газрууд чинь амь биш заяа биш.цаад өвчин чинь жамаараа наашлаж байгаа,анхаар,ороод ирвэл яах болж байнаа.залуус минь биеэ барь нэг сар тэвччих.үхлийн аюултай өвчин гэдэг нь ойлгомжтой байнашүүдээ.
2020-04-17
Юун 1 сар:
Хичнээн удаа жаахан тэсчих гэв. 1 сар өнгөрөөд юу өөрчлөгдөхийн. Халдварыг алдаагүй л бол алдаагүй.