М.Амарбаяр: “Эрдэнэс тавантолгой”-н уурхайн ажил хэвийн үргэлжилж байна
2020-04-20 15:59

 

“Эрдэнэс-Тавантолгой”ХК -ний уурхайн ажилчид жагсаал цуглаан хийж байгаа асуудлын талаар тус компаний  хэвлэл мэдээлэл, олон нийттэй харилцах хэлтсийн дарга М.Амарбаяр тайлбар хийлээ. Тэрбээр: 

 

-Уурхайн ажилчид жагсаал цуглаан хийж байна гэж мэдээлж байна. Энэ тухайд “Эрдэнэс тавантолгой Майнинг” компанийн  гүйцэтгэгч “ Ти Ти Жи Ви Си Өү” ХХК-д  “Эв санаа нэгдэл”  үйлдвэрчний эвлэл байгуулагдсан.   Уг эвлэлийн тэргүүлэх арван ажилтныг   халсан. Мөн есөн ажилтнаа техник дээр ажиллуулахгүй байхаар тогтсон  учраас эсэргүүцлээ илэрхийлж өглөө орой ажилдаа ирэхдээ, тарахдаа алхалт хийж  байна.

 

“ Ти Ти Жи Ви Си Өү” ХХК өмнө нь  48 цагийн сул зогсолт хийсэн. Харин одоо хэвийн ажиллаж байна. Ойрын хугацаанд газар дээр нь удирдлагууд очиж асуудлыг шийдэх болно. Мөн  дараагийн асуудал бол хорио цээрийн дэглэмээс үүдэн энэ сарын 24-нд болохоор товлогдоод байсан хувьцаа эзэмшигчдийн хурлын зохион байгуулалтын  онлайнаар явагдахаар боллоо. Энэ хурлаар таван асуудал авч хэлэлцэнэ.

 

1.         Өнгөрсөн 2019 оны санхүүгийн тайланг хэлэлцэнэ

2.         ТУЗ-ийн ногдол ашиг хувиарлах талаар баталгаажуулна

3.         Нээлттэй хувьцаат компани болгох асуудлаар хэлэлцэнэ

4.         Компаний дүрмийн шинэчилсэн найруулгыг авч хэлэлцэнэ

5.     ТУЗ-ийн 2019 оны үйл ажиллагааны  тайланг танилцуулах  зэрэг асуудлыг авч хэлэлцэх бөгөөд иргэд цахим хуудсаар хурлын үйл ажиллагаатай холбоотой мэдээллийг авах боломжтой байна хэмээн мэдээлэв. 

 

Г.Мичидмаа

Shuud.mn
Сонин хачин
Нил ах дүү хамаатан садан цус ойртолт яг л УЛААНБААТАР ТӨМӨР ЗАМ ШИГ бузар бузар.
2020-04-21
ямар ч хэвийн үргэлжилж байгаа юм байхгүй. тэнд хэдэн уурхайчид бор зүрхээрээ тэмцэж байна. этт хк ганхуяг сумьяабазраас мөнгө авч хаалтын гэрээ хийсэн хэвлэл мэдээлэл тв мэдээллийн сайтууд энэ талаар таг чиг чимээгүй суусаар байна. news.mn бүр уурхайчдыг дэмжсэн сэтгэгдлийг ч оруулахгүй байна. ЭТТ ХК-аас зүүн цанхийн ордыг салгаж ЭТТ Майнинг гэх компани байгуулж шилжүүлж хятадад өгч байна.
2020-04-20