Трамп: Газрын тосны үнэ хасах руу орсон нь түр зуурын үзэгдэл
2020-04-21

Даваа гаригт газрын тосны үнэ эрс унаж, хасах руу орсон үйл явдалтай холбоотойгоор АНУ-ын Ерөнхийлөгч Дональд Трамп мэдэгдэл хийжээ. 

 

Тэрбээр WTI газрын тосны үнийн өнөөгийн уналт голчлон санхүүгийн дарамтаар тайлбарлагдах түр зуурын үзэгдэл хэмээн мэдэгдсэн байна. 

 

Өмнө нь хэн ч газрын тосны үнэ хасах руу орсон талаар сонсож байгаагүй, тиймээс энэ бол түр зуурын үзэгдэл хэмээн Дональд Трамп онцолжээ.

 

"Та бүхэн сарын өмнөх үнийг харвал баррель нь 25-28 орчим ам.доллар байгаа. Өнөөгийн байдал газрын тосны нөхцөл байдал гэхээсээ илүүтэй санхүүгийн асуудал юм" хэмээн Трамп мэдэгджээ.

 

Мөн газрын тосны үнэ унасан энэ үед улс орныхоо стратегийн газрын тосны нөөцийг нэмэгдүүлж, 75 сая баррель газрын тосыг агуулах руу илгээнэ гэж Трамп онцолсон байна.

 

Энд дуулгахад, шинжээчид газрын тосны үнэ хасах руу орсон байдлыг хоёр шалтгаантай хэмээн тайлбарлаж байна. Нэгдүгээрт, Америкийн газрын тосны агуулахууд дүүрсэн бол нөгөөтэйгүүр титэм вирусийн цар тахлын улмаас эрэлт бага байгаатай холбоотой гэнэ.

 

Оросын эдийн засгийн тоймч Александр Кареевскийн үзэж байгаагаар биржийн тоглолт бөгөөд бодит зах зээлд ямар ч хамааралгүй гэнэ.

 

Газрын тос үнэгүйдэж, түүхэнд анх удаа -40 долларт хүрэв

 

Г.Бямбасүрэн

Shuud.mn
Сонин хачин
зочин:
америкийн занараас газрын тос үйлдвэрлэдэг компаниуд алдагдалтай ажиллаад эхэлбэл, хятадын зах зээлд нийлүүлдэг хувь хэмжээгээ алдахгүйн тулд, монголд үйлдвэрээ байгуулах гэж лоббидоно. 2012-2018 онд хайгуул хийсэн жейли ойл компани (америк францын 50:50 хөрөнгө оруулалттай, израйлийн моссадын генерал захиралтай) үйлдвэрээ байгуулах гэж дахин зүтгэх байх даа. элбэгээ хүү энэний төлөө ирсэн байх бий гэж хардаад л байна шүү, ерөнхийлөгч байхдаа маш их дэмжиж байсан. байгаль экологид дэндүү хортой технилогио аюулгүй гэж хэдэн жил сурталчилсан. энэ талаар монголын занарын ассоциацийн тэргүүнээр ажиллаж байсан Да.Ганболд, Хашчулуун нар сайн мэдэх биз ээ. Манай занарын нөөцийн хэмжээ саудын арабыэ нефтьтэй адил.
2020-04-22