Песков: Ерөнхийлөгч Путин хаана ч нуугдаагүй
4-27

Өнгөрсөн долоо хоногт Оросын зарим хэвлэлээр гарсан "Путин цар тахлаас болгоомжилж, нуугдсан" гэх мэдээллийг Владимир Путины хэвлэлийн нарийн бичгийн дарга Дмитрий Песков няцаажээ. 

 

"Үргэлж л цуу яриа гарч л байдаг, ихэвчлэн бодит байдалтай нийцдэггүй" хэмээн Дмитрий Песков цохон тэмдэглэсэн байна. 

 

Түүний өгүүлснээр, Путин одоо Москвагийн ойролцоох Ново-Огарево дахь байрандаа ажиллаж, амьдарч байгаа гэнэ. ОХУ-ын Ерөнхийлөгч өөрийгөө тусгаарлах бүхий л журмыг дагаж, төрийн тэргүүнтэй хийх уулзалтуудыг багасгажээ.

 

Мөн Ерөнхийлөгчтэй уулзах хүмүүс COVID-19 вирусийн шинжилгээ өгсөн байх шаардлагатай гэж Дмитрий Песков мэдэгджээ. 

 

Г.Бямбасүрэн

Shuud.mn
Сонин хачин