COVID-19 вирусийн халдвар авсан өвчтөнүүдийг эмчилж буй Оросын эмч нарыг дэмжих үүднээс Грек рүү үнэ төлбөргүй амраана гэж тус улсын "Музенидес Трэвел" аяллын компанийн захирал Александр Цандекиди мэдэгджээ. 

Цандекидигийн өгүүлснээр COVID-19 вирустэй тэмцэж байгаа эмч нарын гэр бүлийнхнийг Грекийн арлууд болон эх газар дээр долоо хоног үнэ төлбөргүй амраах гэнэ. 

"Аяллын огноог Грек болон Орос дахь аялал жуулчлалын хоригийг цуцлахтай холбоотой нөхцөл байдал тодорхой болмогц тогтооно. Боломжтой үе ирмэгц Москва хотоос 25, Оросын бусад бүс нутгуудаас 25 эмчийг гэр бүлийнх нь хамт манай компани зардлыг нь гаргаж амраана" хэмээн мэдэгджээ.

Түүнчлэн энэ арга хэмжээг Ellinair агаарын тээврийн компани болон  BOMO Hotels  сүлжээтэй хамтран зохион байгуулж байгааг онцолсон байна.