Төрийн албаны тухайн албан тушаалын буюу Тусгай шалгалтын үйл ажиллагааг Улсын Онцгой Комиссын шийдвэр, ЗГХЭГ-ын саналыг үндэслэн төрийн албаны тасралтгүй үйл ажиллагааг хангах зорилгоор Төрийн албаны зөвлөлөөс Тусгай шалгалтыг зохион байгуулах ажлыг онцгой дэглэмийн үед үе шаттайгаар зохион байгуулахаар тогтсон билээ.

Төрийн албаны зөвлөлийн Улсын бүртгэлийн ерөнхий газрын дэргэдэх салбар зөвлөлөөс 2020 оны 04 дүгээр сарын 23-ны өдөр төрийн захиргааны удирдах албан тушаалын сонгон шалгаруулалтыг зохион байгуулжээ.

Үүнд, УБЕГ-ын Хяналт шалгалтын газрын дарга, Мэдээлэл технологийн газрын даргын албан тушаалын сонгон шалгаруулалтад болзол, шаардлагыг хангасан иргэдийг тухайн албан тушаалд нэр дэвшүүлэн томилохыг холбогдох эрх бүхий албан тушаалтанд хүргүүлсэн байна.

Мөн Төрийн албаны зөвлөлийн 2020 оны 141-р тогтоол, түүний аргачлалаар 2020 оны 5 сарын 1-ний байдлаар 13 салбар зөвлөлийн захиалгаар Баян-Өлгий, Булган, Увс, Ховд, Хэнтий, Сэлэнгэ, Өмнөговь аймаг дахь салбар зөвлөлүүд удирдах болон гүйцэтгэх албан тушаалын сонгон шалгаруулалтын заруудыг тус тус зарлан, шалгалтыг зохион байгуулж байгаа ажээ.