Сургалтын төвүүдийн үйл ажиллагааг нээх эсэхийг БСШУС-ын сайд шийднэ
2020-05-02 11:47

 

Нийслэлд үйл ажиллагаа явуулдаг зарим аж ахуйн нэгжийн үйл ажиллагааг нээх тухай захирамж нийслэлийн Засаг дарга  гаргасан билээ. Уг захирамжийн үйлчлэлийн талаар НЗДТГ-ын Хууль, эрх зүйн хэлтсийн дарга А.Даваажаргал, Хэвлэл мэдээлэлтэй харилцах хэлтсийн дарга Ц.Мөнхбаатар, НМХГ-ын Эрүүл мэнд, боловсрол, соёлын хэлтсийн дарга Д.Цэнд-Аюуш нар цахимаар мэдээлэл хийлээ.

 

 

НЗДТГ-ын Хууль, эрх зүйн хэлтсийн дарга А.Даваажаргал “Дэлхий нийтээр тархаад буй “КОВИД-19” цар тахлаас урьдчилан сэргийлэх бэлэн байдлыг хангах ажлын хүрээнд Улсын Онцгой комисс өндөржүүлсэн бэлэн байдлын хугацааг тавдугаар сарын 31 хүртэл сунгасан. Улс орны эдийн засаг, нийслэлийн төсвийн хүндрэлтэй асуудал, иргэн аж ахуйн нэгж байгууллагуудын санхүүгийн хүндрэлтэй нөхцөл байдал гээд шил, шилээ даран үүсэж байгаа учраас хэд хэдэн бизнесийн үйл ажиллагааг нээх нь зүйтэй гэж үзсэн.

 

Халдварын тохиолдлууд бүгд гадны улсаас зөөвөрлөгдөн орж ирж, дотооддоо өвчний тархалт илрээгүй байна. Тиймээс тодорхой хэмжээнд эдийн засгаа тэлэх бодлого явуулж, халдвар хамгааллыг хангасан зарим аж ахуйн нэгжийн үйл ажиллагааг нээхээр нийслэлийн Засаг дарга захирамж гарган шийдвэрлэсэн.

 

Үүнд, үйл ажиллагаа явуулж байгаа спорт заал, бассейн, бүжгийн клуб, сургалтын төвийн танхимын сургалтаас бусад сургалтын үйл ажиллагааг нээсэн. Засгийн газраас салбарын сайдад үүрэг өгсний дагуу танхимын сургалтын төвүүдийн үйл ажиллагааг БСШУСЯ-наас зогсоосон юм.

 

Нийслэлийн Засаг даргын зүгээс Засгийн газрын гишүүний зогсоосон байгууллагын үйл ажиллагааг нээх хууль эрх зүйн боломжгүй учраас танхимын бус сургалтууд буюу фитнесс клуб, иог, танхимд хичээллэдэг сургалтын байгууллагын үйл ажиллагааг нээсэн.

 

Иргэд аж ахуйн нэгжийн үйл ажиллагааг дэмжих олон талын шалтгааныг харгалзан үзэж ресторан, баар, караоке, дэлгүүр, үйлчилгээний байгууллагын үйл ажиллагаа явуулах цагийн хуваарийг 07:00-00:00 цагийн хооронд байхаар зохицуулсан. Мөн сүм хийдийн үйл ажиллагааг зөвхөн дотооддоо үйл ажиллагаа явуулахаар болгож, сүсэгтэн олныг цуглуулахгүй байхаар зохицуулсан” гэв.

 

 

НМХГ-ын Эрүүл мэнд, боловсрол, соёлын хэлтсийн дарга Д.Цэнд-Аюуш “Тавдугаар сарын 1-нээс эхлэн хэрэгжиж байгаа нийслэлийн Засаг даргын А/590 дүгээр захирамжийн хүрээнд байнгын хяналт, шалгалт зохион байгуулж ажиллана. Өнөөдрийн байдлаар 33 чиглэлээр 17 мянган аж ахуйн нэгжид мэдэгдэл зөвлөмжийг хүргүүлсэн.

 

Энэхүү мэдэгдлийн хүрээнд үйл ажиллагаа явуулах шаардлагатай гэдгийг сануулж байна. Үйл ажиллагаа нь нээгдэж буй аж ахуйн нэгжүүд, ажлын байрныхаа цэвэрлэгээг хийсний дараагаар мэргэжлийн байгууллагаар халдваргүйжүүлэлтийг хийлгэх ёстой. Ажилтан болон үйлчлүүлэгч нарын халууныг хэмжиж, амны хаалтыг зүүхийг шаардаж дотоодын хяналт тавих шаардлагатай байна. Үйл ажиллагаа нь нээгдэж байгаа баар, караокенууд тэмдэглэлт үйл ажиллагааг явуулахыг хориглосон гэдгийг анхаарах хэрэгтэй.

 

Эцэст нь халдвар хамгааллын заавар зөвлөмжийг дагаж мөрдөх, эрүүл ахуйг дээд зэргээр сахих ёстой гэдгийг анхааруулж байна. Мөн караокенуудад  агаар сэлгэлтийг 2 цаг тутам хийж, микрафонуудаа халдваргүйжүүлэх, хамгаалах хэрэгслийг хэрэглэх зайлшгүй шаардлагатай байна” гэдгийг анхаарууллаа.

 

 

НЗДТГ-ын Хэвлэл мэдээлэлтэй харилцах хэлтсийн дарга Ц.Мөнхбаатар “Хэвлэл мэдээллийн байгууллагууд энэхүү захирамжийн үйлчлэлийн талаар асууж, тодруулсаар байна. Иргэдээс ирүүлсэн санал хүсэлтүүдийг судалж үзэхэд эдийн засгийн нөхцөл байдал хүндэрлээ, ажлын байргүй боллоо, амьдрал ахуй доройтлоо гэх мэт саналууд давамгайлж байсан.

 

Тиймээс иргэдийн санал хүсэлтийн дагуу, эдийн засгийн хүндрэлийг бууруулах зорилгоор нийслэлийн Засаг дарга шийдвэр гаргасан билээ. Аж ахуйн нэгж, байгууллагууд энэхүү шийдвэрийн хэрэгжилтийн хүрээнд халдвар хамгааллыг маш сайн сахиж ажиллах хэрэгтэй. Харин мэргэжлийн   байгууллагын зүгээс шаардлагатай хяналтыг тавьж ажиллах болно. Товчхондоо иргэдийг бүх талын эрсдэлгүй байлгахад анхаарч ажиллах юм гэдгийг иргэд, олон нийт ойлгох хэрэгтэй” гэсэн юм.

 

Нийслэлийн ЗДТГ-ын Хэвлэл мэдээлэлтэй харилцах хэлтэс

Shuud.mn
Сонин хачин
харамсалтай:
БААраа нээж болж байгаа юм бол сургуулиудаа нээгээч. АРХИ уухаар халдвар авдаггүй юм уу? УОК т их асуудал байна.
2020-05-03
Урд шөнө дундаас үүр цайтал байруудын дунд согтуу хүүхэн залуус орилж хашхираад унтуулсангүй. Арга ядаад салхивчаа хаалаа. Бар саваа хаагаачээ хотын даргаа. Таныг өчигдөр тв суваг болгоноор гарч сонгуулийн пиараа хийж өөрийгөө үзээд малийж суухад хотоор дүүрэн архидалт өнгөрсөн шөнө болж байлаа гэж.
2020-05-03
зочин:
Засаг минь дээ засаг минь гэж 16 оноос л мөөм хавдаалаа. За тэр амлалт мамлалт угаас дүүрч гээд сууж байтал энэ хавраас бүүр ширүүслээ мөөм хавдаах 3р сараас л бүр баллаад хаялаа. Хашир хүн гэж хаширсан хүөн молиго молиго үмхүүлэхвмй гээд байхаддаа. Олон улсууд эр эм гэлтгүй баахан мөөмөө хавдаачих юмдаа. Ядахад мөөм хавдаах тусгай чиг үүргийн сайд гишүүд байх шигчиг. Энэ олны горьдоог хэн ч гаргахын хэзээ ч гаргахын бүү мэдээ бүүмэд. Бүр их айхтар уйлтал нь хуурч горьдоовол дээрддэг ч гэлүү. Одоо тэгээд угаасаа орон даяар ийм чигийн ажлууд өрнөөд эхэлчихлээ. Аймаар ч юм шиг . Намууд ч гэж намууд бид ч гэж бид хажууд нь бас корона ч юу чивдээ
2020-05-03
Bat:
Нээрээ сургалтын төвүүдээ нээхгүй байж бар караоке нээдэг гэнээ.
2020-05-02
зочин:
ЭНЭ ЖОЛООНЫ СУРГАЛТАА НЭЭГЭЭЧ ЖОЛООНЫ ЭРХЭЭ ХАСАЖ БОЛСОН ЮМ БОЛ ЖОЛОО БАРИХ ЭРХЭЭ ЭДЭЛМЭЭР БАЙНА
2020-05-02
харамсалтай:
Баараа нээж болж байаа юм бол сургуулиудаа нээгээч. ЭНЭ УОК т их сонин хүмүүс ажиллаж байна. ТА нарын шийдвэр амьдралд нийцэхгүй байна
2020-05-02
Болор:
Баараа 00 цаг хүртэл ажилуулж болноо. Орж байгаа иргэдээ 2 метр зайтай, масктай суулгаад, юм идүүлж, уулгахгүй байх хэрэгтэй
2020-05-02
Болор:
Хойно хойноосоо харж суудаг сургалтын төвүүд нь өөдөөсөө харж хөлчүүрхдэг баар савнаасаа өндөр эрсдэлтэй наасан гэнээ кккк
2020-05-02
Болор:
Байр танхимд цуглаад сурч болдоггүй,Баар карокед бөөгнөрөөд бархирч, архидаж болдог ямар гээчийн хорио цээр вэ? УОК !!!!!
2020-05-02
Болор:
Өдрийн цагаар #караоке-д сургалт зохион байгуулна. Сургалтын хөтөлбөрт #дууны_завсарлага орсон байгаа. Яаралтай бүртгүүлнэ үү! ингээд сургалт явуулах юм байна л даа
2020-05-02