Оросын Ерөнхийлөгч Владимир Путин Хойд Солонгосын удирдагч Ким Жон Уныг "Аугаа их Эх орны дайны ялалтын 75 жил"- ийн ойн медалиар шагнажээ. Медалиар шагнах тухай зарлиг гаргасныг БНАСАУ дахь ОХУ-ын Элчин сайдын яам фейсбүүк хуудсандаа мэдээлсэн байна. 

Шаганлын зарлигт, Ким Жон Уныг БНАСАУ-д амиа алдсан, оршуулсан Зөвлөлтийн иргэдийн дурсгалыг мөнхжүүлэх, булш, дурсгалын газруудыг бүрэн бүтэн байлгахад хувиасаа онцгойлон анхаарч байдгийг цохон тэмдэглэсэн байна.

БНАСАУ-дахь Оросын Элчин сайд Александр Мацегора шагналыг тавдугаар сарын тавны өдөр БНАСАУ-ын Гадаад хэргийн сайд Ли Сон Гвонд гардуулжээ.

Г.Бямбасүрэн