Сэлэнгэ аймгийн Хушаат сумын Мөнхтолгой багийн “Буурлын гацаа” гэдэг газарт /сумын төвөөс баруун хойд зүгт 70 км-т/ малчин А-ын хүү М /2 настай, эрэгтэй/ 05.04-ний өдрийн 07:00 цагийн орчим гэрээсээ гараад сураггүй болжээ.

Онцгой байдлын албанд 2020.05.04-ний өдрийн 11:00 цагт дуудлага мэдээлэл ирж Ой, хээрийн гал түймрээс урьдчилан сэргийлэх “Ар тойлов”-ын хяналтын цэгт үүрэг гүйцэтгэж буй тус аймгийн Онцгой байдлын газрын Гал түймэр унтраах, аврах 61 дүгээр анги, Цагдаагийн хэсгийн алба хаагчид, сумын Засаг даргын Тамгын газар, ар гэрийнхэн малчин А-ын гэрээс хойд зүгт 3 км-ийн зайтай “Буурлын гацаа” гэдэг уулнаас мөн өдрийн 12:00 цагт эсэн мэнд олж, ээж У-т хүлээлгэн өгсөн байна.