Өчигдөр орой Төв, Говьсүмбэр аймгийн зааг Баян, Баянтал сумын хооронд 17:15-18:00 цагийн хооронд хүчтэй аадар бороо оржээ. Аадар борооны улмаас үер бууж Агуйт, Наран-Элгэн зөрлөг орчим 572-592 дугаар км-д төмөр зам үерийн усанд угаагдаж, галт тэрэг явах боломжгүй болжээ. Тиймээс тодорхойгүй хугацаагаар энэ чиглэлийн галт тэрэгний хөдөлгөөн хаагаад байна. Засварын бригадууд үзлэг шалгалт хийн сэргээн засварлах ажил эхэлжээ.