ШИНЭ эвслээс сонгуулийн үр дүнгийн талаар мэдээлэл хийж байна. "ШИНЭ" эвслийн тэргүүн Ж.Батзандан:

-"ШИНЭ" эвслийг дэмжиж санал өгсөн 230 гаруй мянган сонгогчдодоо талархъя. Мөн дэмжээгүй мянган мянган иргэдийнхээ итгэлийг авч ажиллана. Миний бие Баянзүрх дүүрэгт нэр дэвшээд 20 гаруй мянган сонгогчийн санал авч сонгогдож чадаагүй байна. Иргэд маань ШИНЭ эвслийн нэр дэвшигчдийг өргөн олноороо дэмжсэн ч УИХ-д нэг ч мандат авч чадсангүй. Энэ нь цаашид ШИНЭ эвсэл, ШИНЭ нам бодлого, үйл ажиллагаагаа олонд хүргэх хэрэгтэй гэж үзэж байна. Миний бие ШИНЭ эвслийн тэргүүн, ШИНЭ намын дарын үүрэгт ажлаа хариуцлага хүлээж, хүлээлгэн өгч байна гэлээ. 

УИХ-ын гишүүн Л.Болд:

-МАНАН-г эсэргүүцэж, таван гишүүн тэмцсэн. Гэхдээ Х.Нямбаатар, Л.Оюун-Эрдэнэ нар УИХ-д сонгогдсонд баяртай байна. Нэг нам эрх барьсан дөрвөн жил дахиад үргэлжилнэ. Тойрог бүр дээр 30 гаруй хүн санал хуваалаа. Бид цаашдаа Монголын хөгжилд чадах бүхнээ хийх болно хэмээв. 

Н.Нягт