Үндэсний их баяр наадмын үеэр хүүхдийн эрх, аюулгүй байдлыг хэрхэн хангах талаар Гэр бүл, хүүхэд, залуучуудын хөгжлийн газраас мэдээлэл хийлээ.
Өнөөдрөөс эхлэн /2020.06.29/ хурдан морины уралдаанч хүүхдийг долдугаар сарын 09 хүртэл нийслэл, аймгуудад бүртгэнэ. Баяр наадам зохион байгуулах түр журмыг уяачид дагаж мөрдөх нь чухал юм.
Унаач хүүхдийн бүртгэлийг хийлгэхдээ:
Хурдан морины уралдаанч хүүхдийн гэнэтийн ослын даатгал:
-Хүүхдийн гэнэтийн ослын даатгал 100,000 төгрөг байх бөгөөд нөхөн олговорт 20 хүртэлх сая төгрөг олгоно. /аймаг, сум, дүүргийн тээвэрлэлтийн зардал багтсан/
Албаны хүний мэдээлж буйгаар хурдан морины уралдаан зохион байгуулагдаж байгаа тохиолдолд уяачид, хүүхэд амь нас, эрүүл мэндээрээ хохирсон тохиолдолд эрүүгийн тухай хуулиар зохицуулагдана. Өнгөрсөн 2018, 2019 онуудад эрүүгийн хуулийн хэмжээнд тооцогдохоор асуудал гараагүй. Зөрчлийн тухай хуулиар хариуцлага тооцсон тохиолдол байгаа. Өнгөрсөн 2018 онд есөн уяачид зөрчлийн тухай хуулиар хариуцлага тооцсон. Харин 2019 онд хурдан морины уралдааны үеэр хүүхдийг бүрэн хувцас хэрэглэлгүй гаргаснаас болж, хүүхэд мориноос унасан, зөвшөөрөлгүй уралдаан зохион байгуулсан нийт 11 тохиолдолд зөрчлийн хэрэг тооцож холбогдох хариуцлагыг тооцсон. Энэ он гарсаар хөл хорионы үед үсэргээ сунгаа зохион байгуулсан 17 уяачид зөрчлийн хуулиар хариуцлага тооцсон. Харин уралдаанч хүүхдийн даатгал зөвхөн уралдааны үед биш, уралдаан, сунгаа, үсэргээний үед цаашлаад нэг жилийн хугацаанд нийгмийн бусад орчинд унаж, бэртэж осолдсон тохиолдолд даатгал үйлчлэх ёстой гэсэн нөхцөлийг оруулж өгсөн. Одоогоор зөвшөөрөл авсан 11 даатгалын компани байгаагаас дээрх нөхцөлүүдийг гэрээндээ тусгасан дөрвөн компани байгаа гэж мэдэгдлээ.
Уншиж байна |