Үс шинээр засуулбал жаргал үргэлжид ирэх сайн
2020-08-15

Өнөөдөр аргын тооллын 2020 оны наймдугаар сарын 15. Бямба гараг. Билгийн тооллын XVII жарны "Хотолыг баригч" хэмээх Шороон хулгана жилийн зуны адаг харагчин хонин сарын Билгийн тооллын 26. Санчир гараг. Хэрцгий охин одтой, Хоёр хар мэнгэтэй цагаан бар өдөр.

 

Өдрийн наран 5 цаг 48 минутад мандан, 20 цаг 06 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн.

 

Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн хэмээжээ.

Shuud.mn
Сонин хачин
Одоо энэ хоцрогдсон, бүдүүлэг зурхайгаа болио!! Хүний толгой эргүүлэх гэж ийм балай юм хэрэггүй!!
2020-08-15