“Эрдэнэс Тавантолгой” ХК 2019 онд 1 тэрбум ам.долларын борлуулалтын орлоготой ажиллаж хувьцаа эзэмшигчдэдээ анх удаа нэгж хувьцаанд 90 төгрөгийн ногдол ашиг олгохоор болсон. Удтал хүлээлгэсэн ногдол ашиг өнөөдрөөс ногдол ашиг /2020.09.03/ иргэдийн дансанд шилжиж эхэлжээ. 

Эрдэнэс Тавантолгой” ХК-ийн удирдлагууд энэ оны тавдугаар сарын 1-нээс ногдол ашгийг тараана гэж мэдэгдсэн ч өнөөдрийг хүртэл хувьцааны ногдол ашиг иргэдийн дансанд шилжээгүй байсан.

Компанийн нийт хувьцааны 18.5 хувийг 2 511 818  иргэн эзэмшиж байна. Эдгээр хувьцаа эзэмшигчдэд нийт 179 тэрбум 874 сая 1090 төгрөгийн ногдол ашгийг Үнэт цаасны төвлөрсөн хадгаламжийн төвөөр дамжуулан тараах юм.

1072 ХУВЬЦААГ ХЭН ЭЗЭМШДЭГ ВЭ?

Монгол Улсын иргэн та ахмад настан болон хөгжлийн бэрхшээлтэй иргэдэд олгосон нэг сая төгрөг, оюутны сургалтын төлбөрт олгосон нэг сая төгрөгийг аваагүйгээс гадна 2012 оны дөрөвдүгээр сарын 11-ний өдрөөс өмнө төрсөн иргэд эзэмших бөгөөд хойш төрсөн иргэд эзэмшихгүй юм. Харин 2011.04.01-2012.04.11 өдрийн хооронд нас барсан, Монгол Улсын харьяатаас гарсан иргэдэд нэмж хувьцаа эзэмшүүлээгүй буюу нийт 536 ширхэг хувьцаатай байна.

Хувьцаа эзэмшигчид өөрт байгаа хувьцаагаа 81 төгрөгөөр үржүүлж, өөрийн авах ногдол ашгийнхаа хэмжээг харж боломжтой.