Автозамын хөдөлгөөний ачааллыг бууруулах чиглэлээр ажиллаж байна
2020-10-12 09:43

 

Нийслэлийн автозамын хөдөлгөөний ачааллыг бууруулахын тулд шаардлагатай байршлуудад нэмэлт орц гарц хийж,  нэг чигийн хөдөлгөөний хэвийн байдлыг хангахын тулд хороолол дундах буцаж эргэх хөдөлгөөнийг хаах зэрэг арга хэмжээг албаныхан авч ажиллаж байна.

 

Хүннүгийн гудамж буюу Баянзүрх дүүргийн 26 дугаар хороо, Ноme Plaza-ийн уулзвараас Дүнжингаравын уулзвар хүртэлх 1,5 км нэг чигийн хөдөлгөөнд зөвшөөрөлтэй, зөвшөөрөлгүй нийт 11 эргэж буцах эргэлт байдаг аж. 

 

Богино зайнд буцаж эргэх эргэлт олон байгаа нь нэг чигийн хөдөлгөөний эрчмийг сулруулж, түгжрэл үүсгэж байгаа судалгааг Тээврийн цагдаагийн албанаас гаргаж, Улаанбаатар хотын Захирагчийн ажлын алба, Замын хөдөлгөөний төлөвлөлт,зохицуулалт, инженерчлэлийн газарт хандаж, дээр автозамын 3 байршилд буцаж эргэх хэсгийг хаажээ. Зүүн эргэхийн тулд хоёр талын хөдөлгөөнийг зогсоож автозамын зохиомол түгжрэлийг үүсгэж буй учраас ийнхүү гурван байршилд эргэж буцах гарцыг хаасан хэмээн Баянзүрх дүүргийн Тээврийн цагдаагийн албаны дэд хурандаа Д.Сүхбат тайлбар өглөө.

 

“Баянмонгол хорооллоос зүүн тийш эргэхийг хориглож, нэг чигийн хөдөлгөөнд саад учруулахгүй болсон. Хүннүгийн гудамж маань нарийнхан учраас буцаж эргэх хөдөлгөөн бүрт автозамын түгжрэл үүсдэг. Тиймээс хөдөлгөөнийг саадгүй зорчуулах үүднээс холбогдох албаныхан судалгаа хийж, буцаж эргэх хэсгийг хаасан байгаа” хэмээн Замын хөдөлгөөний төлөвлөлт,зохицуулалт, инженерчлэлийн Инженерчлэл, төлөвлөлтийн хэлтсийн дарга Х.Өнөржаргал хэллээ.

 

 Нийслэлийн ЗДТГ-ын Хэвлэл мэдээлэлтэй харилцах хэлтэс

Shuud.mn
Сонин хачин
hudlaa hudlaa, zugeer baisan zamiig bur tugjreltei bolgochihson bainalee. yamar ch sudalgaa bhgui e
2020-10-12
ulaanbaatariin emegtei:
Tuv zamiin gerlen dohiog neg chigleldee zereg neg unguur asahaar tohiruul. Jishee n Baruun 4 zamaas Zuun 4 zam hurtel bugd zereg neg unguur ashad, jijig jijig uulzwaruud deer zogsohgui shuud ursana. Odoo bol bagshiin deed nogoon asahaar central tower urd ulaan asaad tuv shuudan bas sooljilj asaad bolohguiee bn
2020-10-12
СҮХБААТАРЫН ТАЛБАЙН ХОЁР ТАЛЫН УРСГАЛЫГ НАР ЗӨВ НЭГ ЧИГИЙН БОЛГОВОЛ ЯМАР ВЭ. САЙН СУДЛААРАЙ.
2020-10-12