Сэлэнгэ аймгийн Хүдэр сумын Баянцагаан багийн “Зэрлэгийн нуруу” гэдэг газар /сумын төвөөс зүүн урд зүгт 30 км, аймгийн төвөөс зүүн урд зүгт 198 км-т/ 6 иргэн самар түүж явснаас Дархан-Уул аймгийн иргэн О /52 настай, эрэгтэй/ 10.09-ний өдөр сураггүй болжээ.

Тус аймгийн Онцгой байдлын газрын Хүдэр сум дахь Эрэн хайх, аврах салбар, Цагдаагийн хэсгийн алба хаагчид, тус сумын Засаг даргын Тамгын газрын ажилтнууд 10.12-ны өдрийн 07:30 цагт сураггүй болсон газраас зүүн зүгт 20 км-т эрэн хайх ажиллагааг зохион байгуулах явцад  иргэн О нь мөн өдрийн 15:00 цагт Хилийн 0243 дугаар ангийн 7 дугаар заставт эсэн мэнд очсон тухай мэдээллийг Хүдэр сумын Байгаль орчны байцаагч аймгийн Онцгой байдлын газарт мэдэгдсэн тул эрэн хайх ажиллагааг зогсоосон байна.