24 настай ерөнхий инженер: "Монгол залуус гаднын зөвлөхгүйгээр гүүр барьж чадна"
2020-10-27 14:28
Гэрэл зургийг MPA.mn

 

Өмнийн цэнхэр говийг өнгөрөгч амралтын өдрөөр зориод ирлээ. Өнгө ижил хувцсаар жигдэрсэн инженерүүд өглөө эрт ажилдаа гарч байна. “Хамаг хөөрхөн залуучууд энд ажилладаг юм биш үү” хэмээн адал явдал хайж яваа дүү бүсгүй шивнэв. Тэд нээрэн нүд хужирлам цог зальтай харагдсан.

 

Өөрөөр гойд зүйл говьд ер үгүй. Өнөө л нүүрс тээврийн уртаас урт дараалал. Нөгөө л үнс шиг бужигнах сул шороо. Нүд, шүд л гялтагнаж үзэгдэх жолоочид. Тэдний зарим нь машиныхаа бүхээгт хоолоо хийж сууна. Өөр бусад нь хөзөр тоглож байгаа харагдана. Өмнөх машины хоёр хоорондоо барилдаж тэдний урд талын машины жолооч харин унтаж буй нь үзэгдэнэ. Хөөрхий эрчүүд урт дараалал, уйт өдөр хоногийг ингэсхийгээд л өнгөрүүлж сууна.

 

Гэрэл зургийг MPA.mn

 

Нүүрсний тээвэрлэлтийг төмөр замаар хийх тухай монголчууд 10 гаруй жилийн өмнөөс ярьж, төлөвлөж, бүтээн байгуулалт эхлүүлсэн ч 2015 оноос хойш таван жилийн хугацаанд “гацсан”. “Тэр үед л гацаагүй бол, тэгээд төмөр зам баригдсан бол” гэх бодол төрж уртын урт дараалалд зогссон жолооч нарыг хараад санаа алдаж л явлаа.

 

Гэхдээ говьд “овоолсон шороо” алга. Таван жил гацсан бүтээн байгуулалтыг энэ оноос үргэлжлүүлэн 2022 оны долдугаар сард ашиглалтад оруулахаар төлөвлөсөн. Өмнөговийн Цогтцэций, Баян-Овоо, Ханбогд сумын нутаг дэвсгэрт өнөөдөр бүтээн байгуулалт өрнөж бүгд завгүй ажиллаж байна.

 

Гэрэл зургийг MPA.mn

 

Засгийн газрын 2018 оны наймдугаар сарын 8-ны өдрийн 242 дугаар тогтоолоор “Тавантолгой төмөр зам” ХХК-ийг байгуулсан. Компани энэ оны гуравдугаар сарын 1-нээс Тавантолгой-Гашуунсухайт төслийн үндсэн бүтээн байгуулалтын ажлаа эхлүүлж, 240 км төмөр замаас гол замын үеийн эхний 130 км-ыг нь угсарчээ. Энэ бүтээн байгуулалтад Зэвсэгт хүчин, “Монголын төмөр зам”, УБТЗ, “Тавантолгой төмөр зам”, үндэсний 21 компани, аж ахуйн нэгж, 300 гаруй инженер, мэргэжилтэн, техникийн ажилтан, 1470 гаруй ажилтан гар бие оролцож байгаа. Төслийн захиалагч нь “Тавантолгой төмөр зам” ХХК, Ерөнхий гүйцэтгэгч “Бодь интернэшнл” ХХК.

 

Энэ зам Монгол Улсад анх удаа тавигдах гэж буй уулзваргүй, нэгдүгээр зэрэглэлийн төмөр зам гэдгээр онцлогтой. Мөн дотоодын санхүүжилтээр үндэсний аж ахуй нэгжүүд хамтран анх удаа бие дааж төмөр замын томоохон төслийг хэрэгжүүлж буйгаар түүх юм. Хамгийн чухал нь монгол залуучууд гаднын зөвлөхгүйгээр өөрсдөө үндэснийхээ төмөр замыг барьж байна.

 

Улаанбаатар хотын дөрвөн гүүрийг БНХАУ-ын мэргэжилтнүүдийн тусламжтайгаар барьсан. Харин өнөөдөр монгол инженерүүд, монгол залуус өөрсдөө гүүр барьж чаддаг болсныг "Тавантолгой төмөр зам" ХХК-ийн гүүр, хоолойн инженер Д.Лхагважав, гүүр хоолойн хийцлэлийн инженер Г.Золжаргал. “Ухаалаг зам” консалтинг ХХК-ийн ерөнхий инженер 24 настай С.Мөнхтамгын ур чадвар, хичээл зүтгэлээс харагдаж байна.

 

Гэрэл зургийг MPA.mn

 

Тавантолгой-Зүүнбаян чиглэлийн 416.1 км төмөр замд 27 гүүр баригдаж байгаа бол Гашуунсухайтад 16 гүүр баригдаж байна. Үүний найм нь дам нуруут, үлдсэн найм нь жаазан гүүр.

 

С.Мөнхтамга 16 настайдаа БНХАУ-д зам гүүрийн чиглэлээр суралцаж бакалаврын боловсрол эзэмшсэн. Суралцах хугацаандаа  БНХАУ-ын Жөнжоу хотод байрлах шилэн гүүрийн бүтээн байгуулалтад зургаан сар ажиллажээ. Харин өнөөдөр 24 настай инженер эх орондоо төмөр замын хамгийн урт буюу 450 метр гүүрийн дам нурууг цутгах ажлыг удирдаж байна.

 

 “Ухаалаг зам” консалтинг ХХК-ийн ерөнхий инженер С.Мөнхтамга:

 

Гэрэл зургийг MPA.mn

 

-Би Бээжингийн Зам харилцааны их сургуульд бакалаврын боловсрол эзэмшсэн. Одоо Наньжин хотын их сургуульд мастер хамгаалахаар суралцаж буй ч“Ковид-19” цар тахлын улмаас онлайнаар хичээллэж байгаа. Хил нээсэн ч дипломоо хамгаалах л ажил үлдсэн тул буцаж явахгүй.

 

Гашуунсухайт-Тавантолгой чиглэлийн төмөр замын ID105 буюу 450 метрийн урттай гүүрийн ажлыг гүйцэтгэж буй “Ухаалаг зам” консалтингийн ерөнхий инженерээр ажиллаж байна. Одоогийн байдлаар арматур, хүчтгэл, дам нуруу гүйцэтгэлийн ажил явагдаж байгаа. Ирэх долоо хоногоос суурийн ажил, сарын дараагаас угсралтын ажлыг эхлүүлэх төлөвлөгөөтэй ажиллаж байна. Эх орны чухал бүтээн байгуулалтад оролцож байгаа учраас  маш их хичээн ажиллаж байна” гэж ярив.

 

Ажлын талбайд бусад инженер, удирдлагуудын хамт 68 хүнийг чиглүүлэн ажиллаж буй залуу инженер:

 

“Монголд гаднын компанид ажиллаж туршлага хуримтлуулаад ирсэн чадварлаг инженерүүд олон байгаа. Миний хувьд Жөнжоу хотод байрлах шилэн гүүрийн бүтээн байгуулалтад ажиллаж байсан. БНХАУ үйлдвэрлэгч орон учраас зам гүүрийн хөгжил нь түрүүлж хөгжсөн. Гэсэн ч монголчууд өөрсдөө дам нуруут гүүрийг хийхэд бэрхшээл үгүй болсон. Боловсон хүчин бас технологи нь ч байна.

 

Говь харьцангуй дулаахан ч салхи шуурга нь жаахан хэцүү. “Бодь интернейшнл” ХХК-ийн ХАБ-ын шаардлагаар 12 метр секундээс хүчтэй салхитай үед кранаар өргөлт хийхийг хориглодог. Энэ мэт цаг агаартай холбоотой бэрхшээл л байхаас чадахгүйн асуудал монголчуудад байхгүй” хэмээлээ.

 

Гэр бүлтэй болж амжаагүй ээ гээд инээвхийлэх энэ залуу:

 

“Цаг агаар сайхан байвал 12 сард гүүрийн ажлыг дуусгана гэсэн төлөвлөгөөтэй ажиллаж байгаа. Өнөөдөр шиг сайхан цаг агаартай байвал гялалзуулаад л байна. Бетон цутгалт авах боломжгүй болсон цагт л буугаад гэртээ харина даа” гэсэн нь Монгол залуус Монголдоо ажиллаж, амьдрах сайн цагийн эхлэл, өөдрөг тэмүүллийг мэдрүүлж байлаа.

 

Гэрэл зургийг MPA.mn

 

Түүний адил шижигнэсэн, гар нийлсэн олон залуус Монгол улсын бүтээн байгуулалт, хөгжлийн төлөө зүтгэж байна. Нүүрсний экспортын шинэ гарцыг энэ залуус, энэ төсөл, энэ төмөр зам нээнэ.

 

Энэхүү шинэ чиглэлээр нүүрс тээвэрлэвэл нэг жилд 15 сая тонн гэж тооцоход нийт 180 сая ам.долларын нэмэлт орлого олох боломжтойг “Монголын төмөр зам” компани мэдэгдэж байсан. Ингэснээр Хятадын нутагт үлдэх байсан 180 сая ам.долларын валютын урсгалыг дотооддоо шингээх давуу талтай.

 

“Манай хамгийн гол өрсөлдөгч Австралиас ирж байгаа нүүрс далайн тээврээр тонн тутамд тавхан долларын өртөгтэйгээр орж ирж байгаа. Гэтэл бид автозамаар 32 доллар төлөн тээвэрлэж байна. Хэрэв Монгол Улс төмөр замаа бариад л өгчих юм бол өрсөлдөгчгүй болно” гэж “Тавантолгой төмөр зам” ХХК-ийн гүйцэтгэх захирал Н.Удаанжаргал хэлсэн.

 

Удахгүй ирэх өрсөлдөгчгүй өдрүүдийн зүг урагшлаад л байгаарай, залуус аа. Тивд экспорт хүргэх төмөр замыг монгол инженерүүд бүтээж, өндөр хөгжлийн буухиаг зурайлгаж байна.

 

Гэрэл зургийг MPA.mn

 

Г.Тэгшсүрэн

Shuud.mn
Сонин хачин
Uursduu hiij chadku baij hun shuumjilsun sdanuud
2020-11-01
Someone:
Thh
2020-11-01
Боловсрол:
Боловсролтой гэх хүмүүс байгаль эхээ сүйрүүлэх, амьдралыг бусниулцгаах.
2020-10-30
Нүгэлтнүүд:
Нэг их бүтээн байгуулалт нэртэйгээр говийг ухаж усгүй амьдралгүй болгох нь дээ энэ үеийн монголчууд.
2020-10-30
Irgrn:
Hudlaa bult usreed l baih yamaa ajillaj bgaa huvi brigadiin tsaling uguhgui hamag ajlaa hiilgeed luu unjah yam daa ene tom kompaniud
2020-10-29
K.m:
Nas yoroosoo hamaaralgve bi ene hvntei hamt ajildag medleg turshlaga zan tolow sain ene mergejildee ezen bolson zaluu baidiinmaa
2020-10-29
28:
Oorsdoo chadahgui baij muu sajn ymnuud uhsnee muulaad baidag bnaa, oorsdoo hiij chadahguigaas hoish duugai haraad baij bwl baraw bishuu!!! Jaahan bn bolowsor ntr geed yu gesen ch ugiin, ingej helj bgaa humuus uhaan tutmag bn da huurhii zailuu !!!
2020-10-28
Боловсрол:
Боловсролтой гэх хүмүүс байгаль эхээ сүйрүүлэх, амьдралыг бусниулцгаах.
Hi:
Nomiin duu sonsoogui cham metiin golog bol tachihguil dee
2020-10-28
Someone:
Thh
Дарханы замыг бас би чаднаа нууд чухам л бид барьчихна гээд бсан хаа бна. Эртхэн барьж бсан хэдэн ху жааг оруулж тусгаарлаж бгаад бариулчих бсан юм.
2020-10-28
Genco giin zahialga uu. Shoroo ovoolson uyeinh ni zurgiig avaad ter uyed ni survaljlaga beldehgui.
2020-10-28
жжу:
яг тийм
2020-10-28
ужу:
За бас тийм л байх
2020-10-28
dfd:
Хүн чадаж байгаа юм чинь чадна л даа. Ганцхан no mercy үл харамсах, үл тээнэгэлзэх, үл ойшоох сэтгэлгүй тэнэг зан нь алаад байдаг болохоос.
2020-10-28
tumur zam tavichihval baahan tank orood irne geed bsan hun hen bilee? GO.Badarch biluu:
ingeh l bsan yum bol erthen tumurzamaa taviad gargaj baihgui yasan yum be?tegsen odoo ingeed baahan urtei geed gonjorood suuhgui bsan ch yum biluu
2020-10-28
zailaa:
huurai tsuld barij bgaadaa l bayral. gol ysan deer bol ta nar amjihguishdee
2020-10-28
Hi:
Nomiin duu sonsoogui cham metiin golog bol tachihguil dee
ужу:
За бас тийм л байх
Цаашид матёриалын мэргэжилтэний хэрэгцээ их
2020-10-28
Kkk. 24 tei bhad tegj l boddogiimdoo..iluu sain bolovsrol, ajil amidraliin turshlaga heregtei. Arai ert bnaaa....
2020-10-27
K.m:
Nas yoroosoo hamaaralgve bi ene hvntei hamt ajildag medleg turshlaga zan tolow sain ene mergejildee ezen bolson zaluu baidiinmaa
жжу:
яг тийм
Zochin:
Burkhan mini
2020-10-27
teneg garuud shuu:
yandaa yana teneguud min ee
2020-10-27
Аль дээр үеийн хүмүүс гүүр барьдаг байсан. Орчин үеийнхэн боловсролтой юм чинь чадмаарийн
2020-10-27
5shariin tumur zamiin garam:
5shard gantc saihan guur barij sembiigeech. 13 uulzvariin namyanju gsn chuluutai hesgiig nariin bolgood uguuch.
2020-10-27
irgen:
chadna shdee...ene toriinhon l gadniihanruu guihee bolih heregtei teneg um shig....yuch medehgui toriinhon horongo ih yrne, tom barilga baiguulamjiig mongolchuud hiinee tedend bolomj ogohgui baina !!!!!
2020-10-27
зочин:
Манай улсад бүхий л мэргэжил талаасаа чадвартай боловсон хүчин баайгаа. Гадаадын нэртэй сургууль болон томоохон местен дээр Монголчууд цойлдогш дээ хаана ч л ямар ч салбарт нэрээ мандуулдаг, мөн гадаадад ажлын хүндийг чадварлаг хйидэг ш дээ яагаад эх орондоо ажиллаж амьдрах нөхцөл нь бүрддэггүй юм бэ. Энэ бол төрийн толгойн дээр сандайлсан эрх мэдэлтэнүүдийн удирдан зохион байгуулах чадваргүйн гай. Иргэддээ үнэлдэггүй гадаадын хульх нөхдүүдэд мөнгө өгөх сонирхолтой байдаг нь далимдуулж мөнгө иддэг арга байх л даа. Монголчууд чадна ш дээ.
2020-10-27
Өвөө:
24-тэй хүний хэлдэг л үг...Гэхдээ мөрөөдөл байгаад түүнийхээ төлөө зүтгэвэл биелж л таарна. Урагшаа, залуучууд аа!!!
2020-10-27