Өмнөд Солонгосын Ерөнхийлөгчийн албан тушаалыг 2008-2013 онд хашиж байсан Ли Мён Бакт оноосон ялыг тус улсын Дээд шүүх хэвээр үлдээжээ. Улс төрч их хэмжээний торгууль төлөхийн зэрэгцээ 17 жилийн хорих ял сонссон байсан юм. Мөн Ли Мён Бакийг гэрийн хорионд байлгах шийдвэрийг цуцалжээ.
"Хөрөнгө шамшигдуулсан болон авлигын хэрэгтэй холбоотойгоор түүнд оноосон ялын анхан шатны шийдвэрт алдаа гараагүй" хэмээн давж заалдах шатанд гаргасан гомдлыг хэлэлцсэн БНСУ-ын Дээд шүүх мэдэгджээ.
Ли Мён Бакийг авлига авсан, компанийн хөрөнгө шамшигдуулсан хэрэгт буруутай хэмээн үзэж 17 жил хорих, 13 тэрбум воны торгууль, нэмэлт шимтгэл болох 5,7 тэрбум вон төлөх ял шийтгэл ноогдуулсан байна. Түүнчлэн гэрийн хорионд ялаа өнгөрүүлэх боломжтой байсан шийдвэрийг цуцалж, хорих ангид ял эдлүүлэхээр болжээ. Түүнийг торгуулиа төлөх болон бусад асуудлыг зохицуулахад нь зориулж шүүхээс 3 хоногийн хугацаа өгсөн бөгөөд энэ хугацаа дуусмагц Ли Мён Бакийг хорих анги рүү шилжүүлэх аж.
Уншиж байна |