ФОТО: Амны хаалтаа зүүж хэвшсэн НИЙСЛЭЛЧҮҮД
2020-11-12 08:00

Коронавирусийн халдвар дотоодоос илэрч, нийслэлд гурав хоногийн хөл хорио тогтоогоод байна. ЭМЯ-наас уламжлал ёсоор халдвараас урьдчилан сэргийлэх зөвлөмжийг өглөө. 

 

Айж тэвдэхгүй, амны хаалтаа зүүж, ариун цэврээ сахиж, бусадтай зайнаас харьцаж, шаардлагагүй тохиолдолд гэрээс гарахгүй байхыг ЭМЯ анхааруулан зөвлөж байгаа. 

 

Харин иргэдийн сэтгэлзүйд амны хаалт халдвараас хамгаална гэдгийг өнгөрсөн нэг жилийн хугацаанд биеэрээ мэдэрснийг өнөөдрийн нийслэлчүүдийн дүр зураг харууллаа. 

Иргэд гадуур маскаа зүүж бас нөөцөлж, маскны үнэ нэмэгдсэнийг шүүмжилж байгаа нь нийгмийн эерэг үзэгдэл юм. ЭМЯ-ны зөвлөснөөр: 

 

Амны хаалт нь амьсгалын замаар гадагшилж буй халдвар үүсгэгчийг хязгаарлах үүрэгтэй. Өөрөөр хэлбэл, амьсгалын замын халдварт өвчнөөс урьдчилан сэргийлэх, тархалтыг бууруулах арга хэмжээний нэг нь амны хаалт хэрэглэх явдал юм. Амьсгалын замын өвчлөл хүн амын дунд тархалт их, дэгдэлт бүртгэгдэж байгаа үед өөрийгөө болон ойрын хүрээний хүмүүсээ халдвараас сэргийлэх зорилгоор амны хаалтыг дараах тохиолдолд хэрэглэнэ.

Үүнд:

  • Хөл хөдөлгөөн ихтэй олон нийтийн газарт (дэлгүүр, зах, үзвэр үйлчилгээ гэх мэт)

  • Нийтийн тээврээр үйлчлүүлэхдээ

  • Амьсгалын замын халдварын шинж илэрсэн үед

  • Өвчтөн асарч байгаа үед

  • Цэвэрлэгээ үйлчилгээ хийхэд

  • Эрүүл мэндийн байгууллагаар үйлчлүүлэхэд

  • Олон нийттэй харьцдаг үйлчилгээний ажилтан

  • Эрүүл мэндийн байгууллагын ажилтан

Амны хаалт хэрэглэхэд анхаарах зүйлс:

  • Зөв зүүх,

  • Зөв тайлах,

  • 2 цаг тутамд болон бохирдсон тухай бүр солих,

  • Зүүсэн амны хаалтны гадна хэсэгт аль болох гар хүрэхгүй байх,

  • Нэг удаагийн амны хаалтыг бохирдсон тохиолдолд шууд хаях,

  • Амны хаалт сольсны дараа гараа заавал савандаж угаах эсвэл спиртэн суурьтай гар халдваргүйжүүлэгч хэрэглэх,

  • Даавуун амны хаалтыг солих бүртээ 40-өөс дээш хэмийн халуун усанд савандаж угааж, индүүдэх,

  • Өдөрт дунджаар 4-5 ширхэг амны хаалт сольж хэрэглэх,

  • Амны хаалт чийгтэй болсон даруйд шинээр солих,

  • Цэвэр болон бохирдсон амны хаалтыг хольж болохгүй

  • Амны хаалтанд тавигдах шаардлага:

  • Ам, хамар, эрүүг бүтэн далдлах,

  • Чихэнд тогтоогч нь сунамтгай резинэн материал байх,

  • Хамрын хэлбэр гаргасан байх,

- Хэмжээ нь насанд хүрэгчид болон хуухдэд зориулсан сонголттой байх,

– Материал нь угаахад агшихгүй, будаггүй, харшил өгөхөөргүй хөвөн даавуу байх,

- Гадна материал нь ус нэвтрүүлдэггүй, амьсгалахад тохиромжтой байх,

Материалын сонголтоос шалтгаалан 3-4 давхар байна.

Хэмжээ: Насанд хүрэгчид дунджаар урд хэсгийн өндөр -12,5 см, чихний хэсгийн өндөр 6,0 см, дээд талын урт-22 см, доод талын урт 20 см, хамрын хэсэгт 2,5 см, эрүүний хэсэгт З см байхаар тохируулж хийх хэрэгтэй. 

 

 

Өнөөдрийн халдвартай хоёр иргэнтэй ойрын хавьталттай хоёр иргэнээс дахин коронавирус илэрч, тусгаарлалтад авах иргэдийн тоо нэмэгдсэн, халдвартай иргэдийн зорчсон маршрут зэрэг нь ирэх өдрүүдэд иргэд амны хаалтаа зүүж олон нийтийн газраар үйлчлэх, шаардлагагүй тохиолдолд гэрээс гараад хэрэггүй анхааруулан сэрэмжлүүлж байна.  

Н.Нягт

Shuud.mn
Сонин хачин
u:
huduuniihun bvr zvvhgvi yavaad bsan.uvsiinhan ter toglolton dr zvvgeegvil bhdaa..2.3 dahi shinjilgeegni hiih bizdee
2020-11-12