Засгийн газрын хуралдаанаар Гамшгаас хамгаалах тухай хуулийн 11.3.3-ыг үндэслэн коронавируст халдварын цар тахалтай тэмцэх хариу арга хэмжээг эрчимжүүлэх, эрсдлээс урьдчилан сэргийлэх зорилгоор улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг гамшгаас хамгаалах Бүх нийтийн бэлэн байдлын зэрэгт шилжүүлсэн хугацааг 14 хоногоор буюу 2020 оны 12 дугаар сарын 01-ний өдрийн 06:00 цаг хүртэл сунгалаа.
УОК-ын дарга Я.Содбаатар мэдээлэлдээ:
-Хүнсний хомсдлоос сэргийлэх, гэр бүлийн хүчирхийлэл үүсгэхгүй байх чиглэлээр анхаарч ажиллана. Иргэд, байгууллагад санхүүгийн хүндрэл үүсэхгүй байх үүднээс Монголбанкны Ерөнхийлөгчийг Засгийн газарт санал оруулах чиглэл өглөө. Олон улсын байгууллагын зөвлөмжөөр хатуу хорио цээрийн дэглэм хамгийн үр дүнтэй. Өчигдөр халдварын хоёр тохиолдол илэрсэн. Тиймээс хатуу хөл хорионы дэглэмээ сунгахаар шийдвэрлэлээ гэв.
Н.Энх
Уншиж байна |