"Монгол бахархлын өдөр" тохиож байна
2020-11-16

Өнөөдөр "Монгол бахархлын өдөр" Их эзэн Чингис хааны мэндэлсний 858 жилийн ой, "Монгол бахархлын өдөр" өнөөдөр тохиож байна.

 

Монгол Улсын Ерөнхийлөгчийн 2012 оны Нэгдүгээр сарын 9-ний өдрийн 4 тоот зарлигаар Эзэн богд Чингис хааны мэндэлсэн огноог холбогдох Ажлын хэсгийн дүгнэлт болон ШУА-ын саналд үндэслэн албан ёсны болгож, билгийн тооллын өвлийн тэргүүн сарын шинийн нэгэн хэмээн тогтоон, уг өдрийг "Монгол бахархлын өдөр" болгон тэмдэглэн өнгөрүүлж байхаар тогтсон юм. Энэ өдрийг тохиолдуулан жил бүр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг Монгол Улсын төрийн дээд шагнал-тэргүүн зэргийн одон “Чингис хаан” одонгоор шагнадаг уламжлалтай.

 

Монгол бахархлын өдрөөр Монголын нэгдсэн тулгар төрийн уламжлалт Их цагаан тугийг цэнгүүлэх ёслол болж, Их эзэн Чингис хааны хөшөөнд хүндэтгэл үзүүлэн, чансаа өндөр хүчит бөхийн барилдаан болдог.

Энэ удаад дотооддоо коронавирусийн халдвар илэрч, бүх нийтийн бэлэн байдлын зэрэгт шилжин, хатуу хөл хорио тогтоосон тул дээрх арга хэмжээнүүд цуцлагдсан юм. 

Shuud.mn
Сонин хачин
TOR ZASAG MASH HURDAN IRGEDEE ANHAARNUU YAMARCH ORLOGUI BAINA
2020-11-16
Үхсэн хүүрнийх нь Монгол бахархал вэ? Жинхэнэ монгол баларсан өлрүүд болж бна Энэ улс орны эдийн засаг ард түмний амьдрал элгээрээ хэвтлээ Дарга олигархиуд ч яах вэ Цалингаа бүтэн аваад хулгайгаа хийгээд болж бгаа бх Энэ зээлтэй түрээстэй хоногийн бор хоолоо гэдэг хүмүүс турж үхлээ
2020-11-16