100 ор дэлгэхэд бэлэн байна
2020-11-26 18:06

Монгол Улсын Шадар сайд, Улсын онцгой комиссын дарга Я.Содбаатар, Эрүүл мэндийн сайд Т.Мөнхсайхан нар Хан-Уул дүүргийн “Эх хүүхдийн эрүүл мэнд”-ийн үндэсний төв 2 болон СХД-ийн 21 дүгээр хорооны нутаг дэвсгэрт баригдсан жишиг нэгдсэн эмнэлгийн бэлэн байдалтай танилцлаа.


ХӨСҮТ, Цэргийн төв эмнэлгийн орны ачаалал нэмэгдвэл коронавирусны халдвартай иргэдийг Хан-Уул дүүргийн “Эх хүүхдийн эрүүл мэнд”-ийн үндэсний төв рүү шилжүүлэхэд бэлэн байна. Шаардлагатай тоног төхөөрөмж, эмч, мэргэжилтнүүдийн ажиллах ногоон бүс, шинээр суурилуулсан амьсгалын болон оношлогооны аппаратуудыг ажиллуулах боловсон хүчнийг бэлтгэсэн. Эхний ээлжид 500 ор бэлэн, шаардлагатай бол 500 орыг нэмэх бүрэн боломжтой гэдгийг Эрүүл мэндийн сайд хэллээ.


Мөн Сонгинохайрхан дүүрэгт шинээр баригдсан жишиг нэгдсэн эмнэлгийн бэлэн байдалтай танилцав. Эмнэлгийн тоног төхөөрөмж, шинээр суурилуулсан аппарат лабораториудаас гадна мэргэжлийн эмч, мэргэжилтнүүдийн багийг бэлтгэн “Ковид-19” цар тахлын үед хэрхэн ажиллах заавар, зөвлөмжийг хүргүүлжээ.


Монгол Улсын Шадар сайд, Улсын онцгой комиссын дарга Я.Содбаатар, Эрүүл мэндийн сайд Т.Мөнхсайхан нар эмнэлгийн удирдлагууд болон эмч, мэргэжилтнүүдэд хамгийн гол нь халдвар хамгааллын дэглэмээ сайн сахиж, ажлын хуваарилалтаа зөв зохицуулж ажиллахыг зөвлөлөө.

Эх сурвалж: Zasag.mn

Shuud.mn
Сонин хачин
Дэмбэрэл:
АЖИЛЛАХ ХҮНГҮЙ ОРООР ЯАХ ВЭ ДЭЭ САЙД АА. ОДОО ХҮРТЭЛ АШИГЛАЛТАНД ОРУУЛААГҮЙ ЭМНЭЛЭГТ ЭНД ТЭНДЭЭС ЭМЧ, СУВИЛАГЧ, АСРАГЧ, ҮЙЛЧЛЭГЧ ГЭЭД ХҮМҮҮСИЙГ ТАТАХ БАЙХ. ЛАБОРАТОРИ, ЦЭВЭРЛЭГЭЭ ҮЙЛЧИЛГЭЭ, ХООЛ УНД АРИУТГАЛ ХАЛДВАРГҮЙТГЭЛ ГЭЭД ТОМ АЖЛУУД БАЙНА ДАА. ХООРОНДОО БЭЛЭН АМАЛЦГААХ ЯАХ ВЭ. ЯГ ЦАГАА ТУЛБАЛ ТЭНД АЖИЛЛАХ ЭМНЭЛГИЙН АЖИЛЧИД Л ЯДАРЧ СУЛЬДАХ БАЙХ ДАА.
2020-11-27
Баярбат:
100 ор биш 1000 шүү дээ.
2020-11-26