Үс засуулбал өлзийтэй сайн
2020-11-30

Өнөөдөр аргын тооллын 2020 оны арваннэгдүгээр сарын 30. Сумъяа гараг. Билгийн тооллын XVII жарны "Хотолыг баригч" хэмээх Шороон хулгана жилийн өвлийн тэргүүн улаагчин гахай сарын Билгийн тооллын 15. Даваа гараг. Чөлөөт эх одтой, гурван хөх мэнгэтэй, улаагчин үхэр өдөр.

 

Өдрийн наран 8 цаг 20 минутад мандан, 17 цаг 02 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал арилжих, буг дарах, газрын ам бооход сайн.

 

Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Сар хиртэнэ, 17 цаг 02 минутаас 19 цаг 53 минутын хооронд 2 цаг 51 минут үргэлжлэх ба оргил үе нь 17 цаг 42 минутад харагдана. Үс шинээр үргээлгэх буюу засуулбал өлзийтэй сайн  хэмээжээ.

Shuud.mn
Сонин хачин
Хуучирсан судрыг бүү барь:
Угаал үйлдэхэд муу гэхлээр нүүр гараа ч угааж болохгүй шэсэн үг үү?Коронатай учраас найр хурим хийх, бэр гуйх гэж олноор цугларах, инж өгөх авах гээд бүгд л муугаар зогсохгүй аюултай үйлдлүүд биз дээ? Энэ олон зууны өмнөх зурхайг болиоч ээ! Юм хөгжих ёстой, орчлон ертөнц бүхэлдээ өөрчлөгдөж байхад Тэрбиш мэтийн амьтад хуучин сударт итгээд сууж байдаг...Хуучнаас авах юмыг нь аваад, хаяхыг нь хаяж өөрчлөлт шинэчлэл хийх хэрэгтэй ш дээ...
2020-11-30