"Лотто, покер" зэрэг мөрийтэй тоглоом зохион байгуулсан иргэнд эрүүгийн хэрэг үүсгэн шалгана
2020-12-01 13:33

Коронавирус /COVID-19/-ын цар тахалтай холбогдуулан Монгол Улсын Засгийн газрын 178 дугаар тогтоол, Улсын онцгой комиссоос гаргасан шийдвэрийн дагуу улсын хэмжээнд “Бүх нийтийн бэлэн байдлын зэрэг”-т шилжүүлж, хатуу хөл хориог тогтоосон.

 

Цагдаагийн байгууллагаас цахим орчин дахь хууль бус үйл ажиллагааг олж илрүүлэх, таслан зогсоох, хариуцлага оногдуулах зорилгоор шалгалтын ажиллагааг тасралтгүй зохион байгуулж байгаа бөгөөд цахим орчинд лотто, покер зэрэг бооцоот, мөрийтэй тоглоом зохион байгуулсан 121 гэмт хэргийн шинжтэй үйлдлийг таслан зогсоож, 46 хүнд хуулийн хариуцлага хүлээлгээд байна.

 

Цахим орчинд мөрийтэй тоглоом зохион байгуулах нь Монгол Улсын Эрүүгийн хуулий тусгай ангийн 20.17 дугаар зүйл “Мөрийтэй тоглоом зохион байгуулах”-д заасан эрүүгийн хариуцлага хүлээх үндэслэл болдог.

 

Эрүүгийн хуулийн 20.17 дугаар зүйл. “Мөрийтэй тоглоом зохион байгуулах

 

1.Олон нийтийн газар, эсхүл мэдээллийн технологи ашиглан ашиг олох зорилгоор шоо, хөзөр, бусад эд зүйл ашиглан үр дүнг нь урьдчилан төсөөлөх боломжгүй, аз туршиж тоглодог мөрийтэй тоглоом зохион байгуулсан бол дөрвөн зуун тавин нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.

 

2.Үр дүнг нь урьдчилан төсөөлөх боломжгүй, аз туршиж тоглодог хуулиар хориглосон мөрийтэй тоглоомын газар байгуулсан, эсхүл ажиллуулсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ” гэж заасан байдаг.

Shuud.mn
Сонин хачин
Зочиэ:
Хорь шийтгэ Үүнээс чинь болоод гэр бүл нь хохирч байна . Үр хүүхэд хань ижил нь хоосон хонож байгаа амьдрал байгааг тоглоомыг дэмжээд бичиж байгаа хүмүүс та нар мэдэх юмуу Би тонлодог хүний гэр бүл өн Үнэхээр бүүр хаавал таарна Тоглоом тоглуулдаг хүмүүс л дэмжиж байгаа биз Та нар өүгд үхэж далд ороосой
2020-12-01
Зочин:
Покер тоглоод 5 жил шорон суун гэнэ үү?. Хойд Солонгост хүртэл хүмүүс гудамжинд суугаад хөзөр тоглож байдаг юм бил аэ би ямар хуультай амьдраад байгаагаа ойлгохгүй байна зулзгана Коммунистууддаа!!
2020-12-01
Хөл хорионд орсон хүмүүс тоглож л байг.Улсад ямар хохирол учруулав.Эсвэл улсаас хэдэн тэрбумаар хулгай хийчих вүү?
2020-12-01
Poker sport togloomiin turuld hamaardag bolson sh dee.
2020-12-01