446.4 мянган тэтгэвэр авагчдад арилжааны 6 банкаар дамжуулан тэтгэвэр олгож байна
2020-12-01 17:06

Өнөөдөр 446.4 мянган тэтгэвэр авагчдад 185.0 тэрбум төгрөгийн тэтгэврийг арилжааны 6 банкаар дамжуулан олгож байна. Тодруулбал 353.5 мянган даатгуулагчид өндөр насны, 71.9 мянган даатгуулагчид тахир дутуугийн, 21.0 мянган иргэнд тэжээгчээ алдсаны тэтгэвэр олгох юм.

 

 

 

Корона вирус нь ахимаг насны, архаг хууч өвчтэй хүмүүст өндөр эрсдэлтэй тул Хөдөлмөр, нийгмийн хамгааллын яам, Нийгмийн даатгалын байгууллагаас онцгой анхаарал хандуулж, тэтгэвэр авагчдыг халдвар хамгааллаас сэргийлэх чиглэлд хэд, хэдэн арга хэмжээг авч хэрэгжүүлж байна.

 

Нэн түрүүнд банкин дээр дараалал үүсгэхгүйн тулд картгүй тэтгэвэр авагчдыг картжуулах ажлыг арилжааны банкуудтай хамтран 11 дүгээр сарын 14-нөөс эхлүүллээ. Улсын хэмжээнд 32159 тэтгэвэр авагчийн картыг хэвлэн, банкны тооцооны төвүүд болон шуудангийн үйлчилгээгээр дамжуулан түгээх ажлыг зохион байгуулж байна.

 

 

 

Улаанбаатар хот, Сэлэнгэ, Дархан-Уул, Орхон, Дорноговь, Говьсүмбэр, Архангай аймаг зэрэг коронавирусийн халдвар бүртгэгдсэн бүс нутгийн тэтгэвэр авагчидтай нэг бүрчлэн утсаар холбогдож нийт 14911 хүнд зөвлөгөө, мэдээлэл хүргээд байна.

 

 

Тэтгэвэр олгох өдөр яам, агентлагийн албан хаагчид хяналт тавьж, асуудал гарсан тохиолдолд шийдвэрлэж газар дээр нь ажиллана.

 

Тэтгэврийг хугацаанд нь олгож, санхүүжилт дуусах зэрэг асуудал гарахгүй тул тэтгэвэр олгох эхний өдрүүдэд очиж төвлөрөл үүсгэхээс зайлсхийх, цахим үйлчилгээг сонгож АТМ, интернэт банк ашиглах, зайлшгүй банкаар үйлчлүүлэх тохиолдолд халдвар хамгааллын дэглэмийг сахиж, өөрийн эрүүл мэндээ хамгаалахыг нийт тэтгэвэр авагчдадаа зөвлөж байна.

Эх сурвалж: ХНХЯ

Shuud.mn
Сонин хачин
мрх:
ӨӨрсөддөө ЗОРИУЛЖ хууль гаргадгийм чинь ИРГЭН тань шиг аливаа юмны өмнө мӨНГӨГҮЙ СӨХРӨХГҮЙ харин ард түмэнд бол мөнгө ӨГӨХӨӨС ГАР НЬ ТАТЧИНАА
2020-12-07
GHBG;:
Хөөрхий тэтгэврийнхний мөнгө Өндөр үнэтэй эмэнд яваад үлдэжбгаа хэсэг нь амь зогоохдоо хүрэхээ байлаа .Учир нь хүнсний ҮНИЙГ АРАЙ ДЭНДҮҮ НЭМЖ бна ЭРХ БАРИГЧИД мөнгөөр ДУТДАГГҮЙ БОЛОХООРОО МЭДЭХГҮЙ ЮМ ДАА???
2020-12-06
мрх:
ӨӨрсөддөө ЗОРИУЛЖ хууль гаргадгийм чинь ИРГЭН тань шиг аливаа юмны өмнө мӨНГӨГҮЙ СӨХРӨХГҮЙ харин ард түмэнд бол мөнгө ӨГӨХӨӨС ГАР НЬ ТАТЧИНАА