Үс шинээр засуулахад тохиромжгүй
2020-12-02 08:08

Өнөөдөр аргын тооллын 2020 оны арванхоёрдугаар сарын 2. Буд гараг. Билгийн тооллын XVII жарны "Хотолыг баригч" хэмээх Шороон хулгана жилийн өвлийн тэргүүн улаагчин гахай сарын Билгийн тооллын 17. Лхагва гараг.  Хэрцгий охин одтой, нэг цагаан мэнгэтэй, шарагчин туулай өдөр.

 

Өдрийн наран 8 цаг 22 минутад мандан, 17 цаг 01 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн.

 

Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Shuud.mn
Сонин хачин
Мулгуу зурхайчийн зурлага...:
Угаал үйлдэхэд муу гэхээр усанд орох нь бүү хэл нүүр, гараа ч угааж болохгүй юү? Мал аж ахуйн үйлд муу гэхээр малаа ч бэлчээж болохгүй нь дээ. Өдийд тэгээд газар хагалж суух хүн байх уу? Коронатай ч гэсэн их хүмүүнтэй уулзахад сайн учир очиж уулзсан ч халдвар авахгүй юм байна. Тэрбиш гавьяат мэдэж байгаа тул зурсан зурхайг нь заавал дагахаас аргагүй дээ. Эс тэгвэл муу юм болж мэдэх вий?...
2020-12-02