Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2020.12.07/ хийлээ.
ХӨСҮТ-ийн Тандалт судалгааны албаны дарга А.Амбасэлмаа:
-ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул, Сэлэнгэ, Орхон, Дорноговь аймгийн лабораторид нийт 23341 хүнд шинжилгээ хийлээ. Үүнээс 38 хүний шинжилгээнд коронавирус илэрсэн байна. Тодруулбал, Улаанбаатар хотод 32 тохиолдол бүртгэгдлээ. Үүнээс гурав нь цэргийн төв эмнэлэгт, бусад 29 тохиолдолд ойрын хавьтлаар тусгаарлагдсан хүмүүс, түүний гэр бүлийн дотор коронавирусийн батлагдсан тохиолдол бүртгэгдлээ. Ингээд нийслэлд нийт 128 тохиолдол боллоо.
Баянгол дүүргийн 1,2,3,4, 5,6,7,8, 9,10,15,18 дугаар хорооноос нийт 32 тохиолдол
Сонгинохайрхан дүүргийн 1, 7,13,16,19, 20,29,30 хорооноос нийт 18 тохиолдол
Баянзүрх дүүргийн 4,8,9,10,14,22 дугаар хорооноос нийт 25 тохиолдол
Сүхбаатар дүүргийн 1,7,11,12,13,16,17,18,19 дугаар хорооноос нийт 26 тохиолдол
Хан-Уул дүүргийн 4,10,16,21 хорооноос нийт 18 тохиолдол
Багануур дүүргийн 4 дүгээр хорооноос 1 тохиолдол
Чингэлтэй дүүргийн 6,7,13,16,19 дүгээр хорооноос нийт 8 тохиолдол тус тус бүртгэгдсэн байна.
Сэлэнгэ аймагт хоёр тохиолдол шинээр бүртгэгдсэн. Тус аймагт бүртгэгдсэн коронавирусийн нийт тохиолдол 203 боллоо. Дорноговь аймгийн Замын-Үүд суманд гурван тохиолдол бүртгэгдсэн. Тодруулбал, тухайн тохиолдол нь гэр бүлийн хүмүүс байна. Ингэснээр Замын-Үүд суманд нийт 31 тохиолдол бүртгэгдлээ. Орхон аймагт нэг тохиолдол шинээр бүртгэгдсэн. Тус аймагт нийт 25 тохиолдол боллоо. Дархан-Уул, Говьсүмбэр, Архангай аймагт өвчлөл нэмж бүртгэгдээгүй.
Говьсүмбэр аймагт: 4
Архангай аймагт: 3
Дархан-Уул аймагт:45 тохиолдол тус тус бүртгэгдсэн байгаа.
Улсын хэмжээнд батлагдсан дотоодын халдвар 439 байгаа. Манай улсын нийт батлагдсан тохиолдол 887 байна. Үүнээс эдгэрсэн тохиолдол 384 байгаа. Нийт эдгэрээд гарсан 384 хүний 49 нь ажиглалт, тандалтад байгаа бол гэрийн ажиглалтад 13 хүн бий. Ажиглалт тандалтын хугацаа дууссан 322 хүн байгаа. Өнөөдрийн байдлаар 494 хүн эмчилгээнд байгаа. биеийн байдлыг үнэлбэл, 416 хүн хөнгөн, хүндэвтэр 71, хүнд 5, маш хүнд 2 хүн байна.
Үүнээс ХӨСҮТ-д эмчлүүлж байгаа хүмүүсийн биеийн байдлыг үнэлбэл, 241 хүн хөнгөн, хүндэвтэр 31, хүнд 1 байна. Цэргийн төв эмнэлэгт эмчлүүлж байгаа 213хүнээс 167 хүн хөнгөн, хүндэвтэр 40, хүнд 4, маш хүнд 2 хүн байгаа. Тандалт судалгаа үргэлжилж байна. Сэлэнгэ аймгийн нэгдсэн эмнэлэгт 8 хүн эмчилгээнд байгаа. Тухайн хүмүүсийн биеийн байдал хөнгөн байна.
Г.Мичидмаа
Уншиж байна |