АН Засгийн газарт шаардлага хүргүүллээ
2020-12-09 16:20

 

АН-аас Засгийн газарт шаардлага хүргүүллээ. Уг шаардлагад: 

 

Улс оронд онцгой нөхцөл байдал үүсээд байгаа энэ үед улс төрийн хариуцлагатай хүчний хувьд Ардчилсан нам асуудалд нухацтай хандаж, шүүмжлэхээс илүү гарц гаргалгааг зөвлөх, хамтран ажиллахад анхаарч ирлээ.

 

Гэтэл гүйцэтгэх засаглалын тэргүүн, Монгол Улсын Ерөнхий сайд асар хариуцлагагүй хандаж, УОК, НОК болон ЭМЯ, НЭМГ зэрэг байгууллагуудын шийдвэрийн уялдаа холбоог хангах ажлыг орхигдуулсаар ирсэнд туйлаас харамсаж байна.

 

Мөн хот, орон нутгийн эрүүл мэндийн байгууллагуудын ажлын уялдаа холбоо сул байгаа нь хүний амь насаар хэмжигдэх хохирол учрууллаа.

 

Улс орны эдийн засгийг хохироож, асар их үнээр тогтоож байгаа хөл хорио нь бодит амьдралд нийцэхгүй, үр дүн муутай, хэт сүржин, үрэлгэн байгааг АН удаа дараа анхааруулж ирсэн.

 

Гадаад орнууд, олон улсын байгууллагууд, иргэдээс цар тахалтай тэмцэхээр хуримтлуулсан асар их хандив, тусламж зориулалтын дагуу зарцуулагдсан эсэх нь эргэлзээтэй, одоог хүртэл тодорхойгүй хаалттай байсаар байна.  

 

Өвчин ямар байдлаар нэвтэрсэн, голомтын эх үүсвэр нь хаанаас гарсныг өвчин дэлгэрээд сар гаруй хугацаа өнгөрч байхад эрх баригчид өнөөдрийг хүртэл тодорхойлж чадахгүй байна. Мөн алдаа гаргасан албан тушаалтнуудад хариуцлага тооцолгүй, эзэнгүйдүүлсээр байна.

 

Энэ хугацаанд Улсын онцгой комисс, Нийслэлийн онцгой комиссын шийдвэрүүд судалгаагүй, хоорондоо зөрчилдсөн, огтын уялдаагүй, олон дахин эргэж буцсан, өмнөх шийдвэрүүдээ үгүйсгэсэн байдлаар гарч иргэд олон нийтийг бухимдуулаад зогсохгүй галын шугамд тэмцэж байгаа жирийн албан хаагчдаа ч удирдлагын хомстолд оруулж, талцуулсаар байна.

 

Сүүлийн нэг сарын хугацаанд хатуу хөл хорио тогтоож иргэдийн орлого олох боломжийг хаасан хэрнэ өрх гэр бүлд мөнгөн тусламж үзүүлэх, бизнесийн салбараа тэтгэх бодлого хөтөлбөр огт хэрэгжүүлсэнгүй. Ерөнхийлөгчийн болон бусад нам эвсэл, бизнесийн байгууллага, иргэдээс гаргаж буй оновчтой санал санаачилгыг улс төржүүлж үгүйсгэж, явцууруулж байгаа нь хохирлыг улам бүр нэмэгдүүлэх бодит шалтгаан болсныг бид харж байна.

 

Ковид-19 цар тахлын улмаас үүссэн хүндрэлийг даван туулах ажлын хүрээнд УИХ дахь Ардчилсан намын бүлэг УОК-ын бүрэлдэхүүнтэй  уулзалдаж “Коронавируст халдвар /ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөл”-ийг өргөн барьсан. Гэвч энэ хуулийн төслийг УИХ хэлэлцэлгүй хойш тавьсаар байгааг бид ноцтой, санаатай алдаа гэж үзэж байна.

 

Цар тахлын эсрэг Монгол Улс иж бүрэн судалгаатай, шийдмэг ажиллах байтал  Засгийн газар, УОК, НОК зэрэг байгууллагууд хангалтгүй ажиллаж байгаад иргэд шүүмжлэлтэй хандаж, нийгмийн тогтвортой байдалд сөрөг нөлөөтэй таагүй уур амьсгал бүрдэж байгаад АН харамсаж байна. Засгийн газрын алдаатай үйл ажиллагааг яаралтай залруулах хүсэлтийг иргэд олон нийтээс Ардчилсан намд олноор ирүүлэх боллоо. Хэдийгээр тахлын улмаас эрдэнэт хүний амь нас эрсдээгүй гэж байгаа ч удирдлагын уялдаагүй, дарга нарын хайнга хариуцлагагүй байдлаас болж иргэд эрүүл мэнд, амь насаараа хохирсонд АН харамсаж байна.

 

Ардчилсан нам иргэн бүрийнхээ эрүүл мэнд, аюулгүй байдлыг хамгаалахын тулд дараах асуудлуудад анхаарч, Монгол Улсын засгийн газарт дараах шаардлагыг хүргүүлж байна.

 

  1. Гүйцэтгэх засаглалын тэргүүний хувьд Монгол Улсын Ерөнхий сайд У.Хүрэлсүх өөрийн биеэр Улсын онцгой комиссоо удирдаж шат шатанд шийдвэр гаргалтыг бүрэн удирдах,  
  2. Удаа дараа алдаа гаргаж байгаа УОК, НОК, ЭМЯ, НЭМГ-ын өнөөгийн удирдлагуудад хатуу хариуцлага тооцож, иргэдэд тайлагнах,
  3. Цар тахлын тархалтыг хязгаарлах бодлогоо иргэдэд нээлттэй, ил тод, судалгаатай танилцуулж, улмаар тахлын үеэр иргэдийн амьжиргааг үе шаттай дэмжих бодлого гарган хэрэгжүүлж ажиллахыг тус тус шаардаж байна гэжээ. 

 

 

Shuud.mn
Сонин хачин
зочин:
Гадагшаа цовхчих яах вэ? Дотроо асуудлаа яаралтай шийдэж эмх цэгцэндээ орох хэрэгтэй байна даа.
2020-12-10
Занданшатар шударга бус хүн:
Занданшатар худлаа гар. Тэр хэзээ ч арга хэмжээ авч эгчийгээ татаж авахгүй. Амиа бодсон тийм л хүн. Эгч нь гэж өөртэй нь таарсан амьтан.
2020-12-09
Занданшатар шударга бус хүн:
Занданшатар худлаа гар. Тэр хэзээ ч арга хэмжээ авч эгчийгээ татаж авахгүй. Амиа бодсон тийм л хүн. Эгч нь гэж өөртэй нь таарсан амьтан.
2020-12-09
зочин:
Занданшатарыг албан тушаалаа ашиглаж мэргэжлийн бус эгч Батцэцэгийгээ төрийн албанд шургуулж, төрийн ажлыг замхруулж байгааг таслан зогсоолгох. Ядахдаа эгч нь ИНД гэдгийг мэдэхгүй нисэхэд онигоонд ороод явж байхдаа ичих булчирхай ч өглөөд 10.00 , Оройд 15.00 явж байгаа нь дүүгийн нэр барьж төрийн ажлыг замхруулж байна шүү дээ. АТГ мэдэж байгаач яаж ч чаддаггүй. Энэ шудрага ёс мөн үү?
2020-12-09
Занданшатар шударга бус хүн:
Занданшатар худлаа гар. Тэр хэзээ ч арга хэмжээ авч эгчийгээ татаж авахгүй. Амиа бодсон тийм л хүн. Эгч нь гэж өөртэй нь таарсан амьтан.
Занданшатар шударга бус хүн:
Занданшатар худлаа гар. Тэр хэзээ ч арга хэмжээ авч эгчийгээ татаж авахгүй. Амиа бодсон тийм л хүн. Эгч нь гэж өөртэй нь таарсан амьтан.
АН-аас л хол байгаарай. Нурж унаж байгааг нь нураах ажлыг нь гардан гүйцэтгэсэн Эрдэнэ хүртэл хараад уйлж байна лээ.
2020-12-09
Зөв зөв:
Зөв шаардлага
2020-12-09
zochin:
zailtsgaa
2020-12-09
Иргэн:
АН матрын нулимас унагажээ. Матар олзоо идэх үедээ нулимс гаргадаг.
2020-12-09
Үнэн:
АН засгийн эрхэнд байсан бол үнэндээ улс орон бүрэн дампуурах байсан байж магадгүй л байх даа...
2020-12-09
Зочин:
АН эхлээд дотоод асуудлаа шийдээд, нэгдсэн удирдлагатай Нам гэдгээ харуулмаар санагдах юм /Даргатай болох/. Бид сайн үйл хийж удирдаж байсан л юм ярьцгаах юм, тйим л сайн байсан бол одоо юу гэж ийм байдалд орчихсон байх вэ
2020-12-09