Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2020.12.15/ хийлээ.
ХӨСҮТ-ийн Тандалт судалгааны албаны дарга А.Амбасэлмаа:
-ХӨСҮТ-ийн гурван лаборатори, ЗӨСҮТ-ийн лаборатори, Дархан-Уул, Сэлэнгэ, Орхон, Дорноговь аймгийн лабораторид нийт 10979 хүнд шинжилгээ хийлээ. Үүнээс таван хүний шинжилгээнд коронавирус илэрлээ. Тухайн иргэнд нь ойрын хавьтлаар тусгаарлагсан байсан. Тодруулбал, нийслэлд хоёр, Сэлэнгэ аймагт хоёр, Дорноговь аймагт хоёр тохиолдол нэмж бүртгэгдлээ. Ингэснээр,
Улаанбаатар хот:140
Сэлэнгэ аймагт: 215
Дорноговь аймагт: 32
Говьсүмбэр аймагт: 4
Архангай аймагт: 3
Орхон аймагт: 25
Дархан-Уул аймагт:45 тохиолдол тус тус бүртгэгдсэн байгаа
Улсын хэмжээнд батлагдсан дотоодын халдвар 464 байгаа. Манай улсын нийт батлагдсан тохиолдол 917 байна. Үүнээс эдгэрсэн тохиолдол 384 байгаа. Өнөөдрийн байдлаар 524 хүн эмчилгээнд байгаа. биеийн байдлыг үнэлбэл, 450 хүн хөнгөн, хүндэвтэр 68, хүнд 5, маш хүнд 1 хүн байна.
Үүнээс ХӨСҮТ-д эмчлүүлж байгаа хүмүүсийн биеийн байдлыг үнэлбэл, 110 хүн хөнгөн, хүндэвтэр 21 байна. Цэргийн төв эмнэлэгт эмчлүүлж байгаа 213 хүнээс 161 хүн хөнгөн, хүндэвтэр 46, хүнд 5, маш хүнд 1 хүн байгаа. Сэлэнгэ аймгийн нэгдсэн эмнэлэгт 20 хүн эмчилгээнд байгаа. Үүнээс хүндэвтэр 1, хөнгөн 19 хүн байна. Хан-Уул дүүргийн 300 ортой эмнэлэгт хөнгөн 157 хүн эмчлэгдэж байгаа. Бүгд хөнгөн зэрэгтэй байна.
Г.Мичидмаа
Уншиж байна |