Засгийн газрын ээлжит бус хуралдаан өндөрлөлөө. Хуралдаанаар шийдвэрлэсэн асуудлаар мэдээлэл хийж байна. УОК-оос Улаанбаатарт 14 хоног хатуу хөл хорио тогтоох саналыг оруулсан юм.
УОК-ын дарга Шадар сайд Я.Содбаатар:
-Засгийн газрын хуралдаанаар 2020 оны 12 дугаар сарын 23-ны өдрөөс эхлэн Улаанбаатар хотод 14 хоногийн хатуу хөл хорио тогтоохоор шийдвэрлэлээ. Дэлхий нийтээр шинэ жилийн үйл ажиллагааг тэмдэглэхгүй, хөл хориог сунгаж байгаа гэлээ.
Нийт 15 чиглэлийн үйл ажиллагааг хязгаарлалт тогтоохгүй. Үүнд:
Тэд мэдээлэл хийсний дараа сэтгүүлчдийн асуултад хариуллаа.
-Баянзүрх дүүргийн байдал ямар байна вэ?
ЭМ-ийн сайд Т.Мөнхсайхан:
-Өнөөдрийн байдлаар Баянзүрх дүүргийн нэгдсэн эмнэлэгт 280 эмч, эмнэлгийн ажилтан, иргэд тусгаарлагдан эмчлүүлж байгаа. Хатуу хөл хорионы үед голомтыг тогтооно.
Шадар сайд Я.Содбаатар:
-ХӨСҮТ дээр халдвар гарсан нь үнэн. Цаашдаа энэ төвийн халдвар хамгааллын дэглэм алдагдахыг таслан зогсооно. Эм, эмнэлгийн хэрэгслийн устгалтай холбоотой олон асуудал байна.
Улаанбаатар хотод зорчих хөдөлгөөнийг яаж зохицуулах вэ?
Нийслэлийн Засаг даргын орлогч н.Сандагсүрэн:
-Хөл хорионы үед тээврийн хэрэгсэл өмнө нь олгосон зөвшөөрлийн кодоор явуулна. Мөн үүн дээр хүүхэд хамгааллын байгууллага, зарим төрийн байгууллагын ажилтнуудад код олгоно. Нэг автобусанд 12-15 иргэн тээвэрлэх боломжтой. Тиймээс иргэд Засгийн газраас гаргасан гэртээ байх шийдвэрийг хүндэтгэн ажиллахыг хүсч байна.
Н.Нягт
Уншиж байна |