Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.01.04/ хийлээ.

Эрүүл мэндийн сайдын зөвлөх О.Чимэдсүрэн: 

-Өнөөдөр Дархан-Уул, Орхон, Говьсүмбэр, Архангай аймгийн Батцэнгэл суманд халдварын голомт хумигдаад байна. Харин хяналтад Дорноговь аймгийн Замын-Үүд, Сэлэнгэ аймгийн Сүхбаатар сум байгаа. Хамгийн идэвхтэй газар нь Улаанбаатар хот байна. Тиймээс Нийслэлээс халдвар тархах эрсдэл өндөр байгаа. ДЭМБ-ын аргачлалын дагуу хамтарсан багуудын 19 удаагийн  үнэлгээ хийхэд  Улаанбаатараас орон нутаг руу коронавирусийн халдвар тархах эрсдэл өндөр байна гэсэн дүгнэлт гарсан.