БШУЯ: Хоёрдугаар сарын 1-нээс танхимын хичээл эхлэхгүй, теле хичээл үргэлжилнэ "Жи тайм"-ын хэргийг талуудад гомдол танилцуулсны дараа Улсын дээд шүүхэд хүргүүлнэ ХЗБХ:Үндсэн хуулийн цэцийн 2021 оны 01 дүгээр дүгнэлтийг хүлээн зөвшөөрөх нь зүйтэй гэж үзэв Эрүүгийн 510 хэрэгт мөрдөн байцаалтын ажиллагаа явуулав БСШУСБХ: Музейн тухай хуулийн төслийн эцсийн хэлэлцүүлгийг хийлээ Нислэг цуцалсан гэнэтийн шийдвэрээс үүдэн хохирсон иргэдэд санхүүгийн дэмжлэг үзүүлэхийг чиглэл болголоо ШУУД: ХЗДХ-ийн сайд Х.Нямбаатар УИХ-ын гишүүн С.Ганбаатартай уулзаж байна ШУУД: УИХ хууль зөрчсөн Ерөнхийлөгчийн асуудлыг хэлэлцэхийг шаардаж байна Гутерриш: Бид зууны хамгийн том эдийн засгийн хямралтай нүүр туллаа Х.Баттулга Зэвсэгт хүчний удирдах бүрэлдэхүүний стратегийн цугларалтад оролцож, үг хэлэв
Мал тооллогын урьдчилсан дүнгээр 67.1 сая толгой мал тоологдлоо
2021-01-13 14:28

 

Монгол Улсын 2020 оны Мал тооллогын урьдчилсан дүнгээр 67.1 сая толгой мал тоологдлоо. Үүнээс 4.1 сая адуу, 4.7 сая үхэр, 472.9 мянган тэмээ, 30.0 сая хонь, 27.7 сая ямаа байна.

 

Мал тооллогын урьдчилсан дүнгээр малын нийт тоо өмнөх оноос 3.9 сая (5.5%), үүнээс хонь 2.2 сая (6.9%), ямаа 1.5 сая (5.3%), адуу 122.1 мянган толгой (2.9%), үхэр 21.8 мянга (0.5%)-аар тус тус буурч, тэмээ 521 толгойгоор (0.1%) өссөн байна.

 

Ховд, Дорноговь, Сэлэнгэ, Увс, Дорнод, Сүхбаатар, Баян-Өлгий, Дархан-Уул, Орхон аймаг, Улаанбаатар хотод малын тоо өмнөх оноос 10.0-208.2 мянган толгойгоор өслөө.

 

Малын тооны бууралтад Өвөрхангай аймгийн малын тоо 1146.4 мянга (20.4%), Баянхонгор аймгийнх 805.0 мянга (17.3%), Архангай аймгийнх 768.3 мянга (12.5%), Хөвсгөл аймгийнх 539.9 мянга (8.9%), Дундговь аймгийнх 352.0 мянга (8.6%), Говь-Алтай аймгийнх 286.9 мянга (8.0%)-аар тус тус буурсан нь голлон нөлөөлжээ.

 

Ихэнх нутагт 2020 онд зуншлага оройтсон бөгөөд зудын эрсдэл өндөртэй, өвс, тэжээлийн эрэлт хэрэгцээ ихэссэн, бэлчээрийн даац хэтэрсэн зэрэг нь малыг зах зээлд нийлүүлэх, мах бэлтгэл нэмэгдүүлсэн нь малын тоог бууруулах гол шалтгаан болсон байна.

 

Түүнчлэн өмнөх оноос төллөсөн хээлтэгч 206.9 мянга, бойжсон төл 809.9 мянган толгойгоор буурч, зүй бусаар хорогдсон том мал 944.5 мянган толгойгоор нэмэгдсэн нь мөн нөлөөлсөн байна.

Эх сурвалж: ҮСХ

Shuud.mn
Сонин хачин
Malin huliin tatvar avna gesen shiidver garsani buyand malin too tolgoi hanatai garch bna. Huuramch myangat malchid olshirson. Noos nooluurin uramshuulal avah gej too tolgoig nemdeg uzegdel ard hotsorch bna.
2021-01-13